نشہ مکت جموں کشمیر ابھیان : سرینگر میں تین اسمگلروں کی چھ کروڑ روپے کی جائیدا د قر ق

نشہ مکت جموں و کشمیر ابھیان کے تحت منشیات کی اسمگلنگ اور منشیات سے متعلق سرگرمیوں کے خلاف اپنے مسلسل کریک ڈاو¿ن کو جاری رکھتے ہوئے سرینگر پولیس نے این ڈی پی ایس ایکٹ کی دفعات کے تحت تین بدنام زمانہ منشیات فروشوں کی 03 غیر منقولہ جائیدادوں کے ساتھ 01 گاڑیوں کو ضبط کیا ہے۔

یہ کارروائی پولیس سٹیشن خانیار نے اسمگلروں جن کی شناخت نذیر احمد میر عرف نذیر لشکری ولد عبدالوہاب میر ساکنہ کولی پورہ خانیار جس کی غیر منقولہ جائیداد جس میں ایک دوہرے منزلہ رہائشی مکان کے ساتھ 08 دکانیں شامل ہیں جو کولی پورہ، خانیار، سرینگر میں واقع 4.5 مرلہ اراضی پر تعمیر کی گئی ہیں، جس کی تخمینہ قیمت 3 کروڑ روپے ہے ایک کیس زیر نمبر 08/2020این ڈی پی ایس ایکٹ تھانہ خانیار میں منسلک کی گئی ۔

اسی طرح سے گلزار احمد میر ولد عبدالرحمٰن میر ساکنہ باغی روپ سنگھ مسکین باغ خانیار جس کی ایک اسکارپیو گاڑی جس کی قیمت تقریباً 20 لاکھ روپے ہے اور اس کے ساتھ غیر منقولہ جائیداد جس میں 07 مرلہ اراضی ہے اور اس کی ایک عارضی قیمت کا تخمینہ لگایا گیا ہے۔ تقریباً 1.8 کروڑ روپے، تھانہ خانیار کے ایف آئی آر نمبر 08/2026این ڈی پی ایس ایکٹ کے سلسلے میں منسلک کی گئی

اسی طرح سے ایک اور اسمگلر زاہد منظور راتھر ولد منظور احمد راتھر ساکنہ لون محلہ، نوپورہ خانیار کی غیر منقولہ جائیداد جس میں 09 مرلہ اراضی پر تعمیر کردہ ایک منزلہ رہائشی مکان جس کی تخمینہ مالیت تقریباً 80 لاکھ روپے ہے، ایف آئی آر نمبر 902پولیس اسٹیشن خانیار میں این ڈی پی ایس ایکٹ کے سلسلے میں منسلک کیا گیا

منسلک جائیدادوں کی نشاندہی غیر قانونی طور پر حاصل کی گئی اثاثہ جات کے طور پر کی گئی ہے جو منشیات کی اسمگلنگ اور منشیات کی تجارت سے حاصل ہونے والی رقم سے حاصل کی گئی ہیں۔

سرینگر پولیس معاشرے سے منشیات کی لعنت کو ختم کرنے کے لیے پرعزم ہے اور جاری نشا مکت جموں و کشمیر مہم کے ایک حصے کے طور پر منشیات فروشوں اور ان کے غیر قانونی طور پر حاصل کیے گئے اثاثوں کے خلاف سخت کارروائی جاری رکھے گی۔