مسلح افواج نے آپریشن سندور کے دوران مشترکہ طاقت اور دور اندیشی کا مظاہرہ کیا/ صدر جمہوریہ ہند

صدر جمہوریہ ہند دروپدی مرمو نے کہا کہ ملک کی مسلح افواج نے آپریشن سندور کے دوران مشترکہ طاقت اور اسٹریٹجک دور اندیشی کا مظاہرہ کیا۔

65 ویں نیشنل ڈیفنس کالج کورس کے فیکلٹی اور کورس کے ارکان سے خطاب کرتے ہوئے، جنہوں نے یہاں راشٹرپتی بھون میں صدر جمہوریہ سے ملاقات کی تھی مرمو نے کہا کہ بدلتے ہوئے جغرافیائی سیاسی ماحول اور سیکورٹی کے تناظر میں متحرک ردعمل کی ضرورت ہے۔انہوں نے کہا کہ ہندوستان مسلح افواج کو تکنیکی طور پر جدید جنگی تیار فورس میں تبدیل کرنے میں مصروف ہے جو ملٹی ڈومین مربوط کارروائیوں کے قابل ہے۔

انہوں نے کہا ”ہماری مسلح افواج نے آپریشن سندور کے دوران مشترکہ طاقت اور اسٹریٹجک دور اندیشی کا مظاہرہ کیا“۔ مرمو نے کہا”یہ ہم آہنگی لائن آف کنٹرول کے پار دہشت گردی کے بنیادی ڈھانچے کو ختم کرنے کی کامیاب مہم کے پیچھے تھی “۔ مرمو نے مسلح افواج کی قیادت کی بھرپور تعریف کی۔

صدر نے کہا کہ جوائنٹیشن کو فروغ دینے کا عمل چیف آف ڈیفنس سٹاف کے سیکرٹری کے ساتھ ملٹری امور کے محکمے کے قیام سے شروع ہوا۔انہوں نے کہا ”مجھے یہ جان کر خوشی ہوئی ہے کہ انٹیگریٹڈ تھیٹر کمانڈز اور انٹیگریٹڈ بیٹل گروپس کے قیام کے ذریعے افواج کی تنظیم نو کے لیے کوششیں جاری ہیں“۔