دربا رمئو : جموں میں دربار سجانے کی تیاریاں عروج پر

چار سال بعد دربار مﺅ کی بحالی کے بعد جموں میں دربار سجانے کی تیاریاں عروج پر ہے ۔

لیفٹنٹ گورنر کی انتظامیہ کی طرف سے نافذ کئے گئے چار سال کے وقفے کے بعد اقتدار کی کرسی جموں میں منتقل کرنے کیلئے تیاریاں شروع ہو گئی ہے۔

سال 2021 میں روکے گئے دربار مﺅ کی مشق کو اس سال وزیر اعلیٰ عمر عبداللہ کی زیرقیادت نیشنل کانفرنس حکومت نے بحال کیا۔اس فیصلے نے جموں کے سرمائی دارالحکومت میں ایک بڑی تبدیلی کی مہم کو جنم دیا کیونکہ شہری اداروں نے دفاتر کو خوبصورت بنانے کیلئے دوڑ لگا دی۔16 اکتوبر کو، جموں و کشمیر حکومت نے حکم دیا کہ سرینگر میں دفاتر کو 31 اکتوبر تک بند کر دیا جائے، جب عمر عبداللہ نے 1872 میں ڈوگرہ حکمرانوں کی طرف سے متعارف کرائی گئی روایت کو بحال کرنے کا اعلان کیا

عہدیداروں نے بتایا کہ سول سکریٹریٹ اور راج بھون کے اندر اور باہر ایک فیس لفٹ پروجیکٹ چل رہا ہے۔انہوں نے کہا کہ شہر کی کئی سڑکیں، جنہیں اگست میں ریکارڈ بارش کی وجہ سے نقصان پہنچا تھا، کو بحال کیا جا رہا ہے، اور مزدور راستوں کی صفائی اور سڑکوں کے کنارے پینٹ کرنے میں مصروف ہیں۔سول سیکرٹریٹ، راج بھون، دیگر اہم تنصیبات اور ملازمین کی رہائش گاہوں کے اندر اور اس کے ارد گرد سیکورٹی سخت کر دی گئی ہے۔شہر میں پولیس اور نیم فوجی دستوں کی تعیناتی کو مضبوط کیا گیا ہے ۔