زیڈ موڑ ٹنل گاندربل کے قریب گاڑی الٹنے سے سی آر پی ایف کے تین اہلکار زخمی

سرینگر/14 جولائی/ ٹی آئی نیوز

وسطی ضلع گاندربل میں زیڈ مورہ ٹنل کے قریب تین سی آر پی ایف اہلکار اس وقت زخمی ہوگئے جب ان کی گاڑی الٹ گئی۔

ایک پولیس افسر نے بتایا کہ یہ واقعہ صبح 8بجے کے قریب اس وقت پیش آیا جب گاڑی زیر رجسٹر یشن نمبر JHR-643149امرناتھ یاترا ڈیوٹی کیلئے تعینات 44 بٹالین سی آر پی ایف کے نیچے کی طرف جانے والے قافلے کا ایک حصہ، سرنگ کے اسٹریچ کے قریب الٹ گئی۔

انہوں نے کہا کہ تینوں کو پی ایچ سی کلاں میں ابتدائی طبی امداد فراہم کی گئی اور ان کی حالت خطرے سے باہر بتائی جاتی ہے۔

حکام نے واقعے کا نوٹس لے لیا ہے، اور ضروری پروٹوکول پر عمل کیا جا رہا ہے۔