خشک موسم کے بیچ جموں و کشمیر کے بیشتر علاقوں میں شبانہ درجہ حرارت میں بہتری درج

سرینگر/ 10 مارچ / ٹی آئی نیوز

مجموعی طور پر خشک موسم جاری رہنے کی وجہ سے وادی کشمیر کے ساتھ ساتھ جموں کے بیشتر حصوں میں رات کے درجہ حرارت میں اضافہ ریکارڈ کیا گیا۔

محکمہ موسمیات نے بتایا سرینگر میں گزشتہ رات 2.9 ڈگری سینٹی گریڈ کے مقابلے میں کم سے کم 3.2 ڈگری سینٹی گریڈ ریکارڈ کیا گیا اسی طرح سے قاضی گنڈ،میں گزشتہ رات 1.8 ڈگری کے مقابلے میں 2.0 ڈگری کا کم درجہ حرارت ریکارڈ کیا گیا

انہوں نے کہا کہ پہلگام میں گزشتہ رات منفی 1.9 ڈگری سینٹی گریڈ کے مقابلے میں منفی 1.2 ڈگری سینٹی گریڈ ریکارڈ کیا گیا جبکہ گلمرگ میں گزشتہ رات منفی 1.4 ڈگری سینٹی گریڈ کے مقابلے میں کم سے کم 0.6 ڈگری سینٹی گریڈ ریکارڈ کیا گیا