جموںوکشمیر کی مختلف جیلوں میں نظر بند قیدیوں کی رہائی پر حکومت غور کر رہی ہیں

سرینگر29 //مارچ//یو پی آئی // کورنا وائرس کے کیسوں میں غیر معمولی اضافہ کے بیچ جموںوکشمیر انتظامیہ نے مختلف جیلوں میں نظر قیدیوں کی رہائی پر غور کرنا شروع کیا ہے۔ معلوم ہوا ہے کہ یوٹی ہوم ڈپارٹمنٹ نے اس حوالے سے جیل حکام کو اس ضمن میں کیسوں کی تفصیلات فراہم کرنے کی ہدایت کی ہے۔ یو پی آئی کو ذرائع سے معلوم ہوا ہے کہ جموںوکشمیر انتظامیہ نے مختلف جیلوں میں نظر قیدیوں کی رہائی پر غور کرنا شروع کردیا ہے اور اس سلسلے میں ضلع سطح پر قائم کی گئی کمیٹیوں کو ہدایت کی گئی ہے کہ وہ اس بارے میں تمام تر تفصیلات جمع کرکے ہوم ڈپارٹمنٹ کو اس بارے میں جانکاری فراہم کرئے۔ ذرائع کا یہ بھی کہنا ہے کہ ہوم ڈپارٹمنٹ نے جیل حکام کو بھی بتایا ہے کہ جیلوں میں نظر بند قیدیوں کی فہرست ترتیب دے کر فوری طورپر حکومت کو آگاہ کیا جائے تاکہ مختلف جرائم کے تحت نظر بند قیدیوں کی رہائی عمل میں لائی جاسکے۔ بتادیں کہ سپریم کورٹ نے گزشتہ دنوں سے سبھی ریاستوں اوریو ٹی انتظامیہ کو ہدایت کی تھی کہ کورنا وائرس کے پیش نظر جیلوں میں بند پڑے قیدیوں کی پیرول پر رہائی پر فوری طورپر فیصلہ لیا جائے۔ ذرائع نے بتایاکہ جموںوکشمیر انتظامیہ نے مرکزی وزارت داخلہ کو جیلوں میں نظر بند قیدیوں کے بارے میں آگاہی فراہم کی ہیں۔ معلوم ہوا ہے کہ ایسے افراد کو پیرول پر رہا کیا جارہاہے جن کے خلاف معمولی نوعیت کے کیس درج ہیں۔ ذرائع کے مطابق جموںوکشمیر انتظامیہ نے ضلع سطح پر قائم کی گئی کمیٹیوں کو اس حوالے سے فوری طورپر رپورٹ پیش کرنے کی ہدایت کی ہے۔ ذرائع کا کہنا ہے کہ جموںوکشمیر انتظامیہ بھی جیلوں میں بند پڑے قیدیوں کو پیرول پر رہا کرنے کے بارے میں سوچ بچارکر رہی ہیں تاہم حتمی فیصلہ مرکزی وزارت داخلہ کے دائرہ اختیار میں ہی ہیں۔ نمائندے نے بتایا کہ سپریم کورٹ کی جانب سے اس حوالے سے رولنگ جاری کرنے کے بعد جموںوکشمیر انتظامیہ نے بھی کمیٹیاں تشکیل دی ہیں اور ایسا عین ممکن ہے کہ جموںوکشمیر کی جیلوں میں نظر بند قیدیوں کو آنے والے دنوں کے دوران رہا کرنے کا امکان ہے۔ بتادیں کہ کورنا وائرس کی وبا پھیل جانے کے باعث قیدیوں کے اہلِ خانہ نے جموںوکشمیر انتظامیہ اور مرکزی حکومت سے استدعا کی ہے کہ اُن کے لخت جگروں کو فی الحال پیرو ل پر رہا کیا جائے ۔