گرمیوں میں شدت : قاضی گنڈ 33جبکہ سرینگر میں 31.5ڈگری کے سیلشس کے ساتھ گرم ترین دن

جموں کشمیر میں گزشتہ کچھ دنوں سے گرمی کی لہر میںکافی اضافہ کے چلتے سوموار کو قاضی گنڈ میں رواںموسم کا گرم ترین دن ریکارڈ کیا گیا جس دوران قاضی گنڈ میں دن کا درجہ حرارت 33ڈگری رہا جبکہ سرینگر میں 31.5ڈگری سیلشس درج کیا گیا۔

کھلی دھوپ کے بیچ دن بھر نمی رہنے کے نتیجے میں لوگوں کو شدید گرمی سے کوئی راحت نہیںملی ۔اس دوران اہلیان وادی کو آج سے گرمی کی لہر سے راحت ملنے کا امکان ظاہر کرتے ہوئے محکمہ موسمیات نے بارشوں کی پیشگوئی کی ہے ۔

ادھر گرمی کی تپش سے بچنے کیلئے شہر سرینگر کے ساتھ ساتھ وادی کے شمال و جنوب میں نوجوان مختلف ندی نالوں اور دریاﺅں میں چھلانگیں لگا کر اپنے آپ کو ٹھنڈا کر کے راحت محسوس کی ۔