پونچھ میں سڑک حادثہ، ایک شخص کی موت

جموں، 16 فروری

جموں وکشمیر کے ضلع پونچھ کے منڈی علاقے میں پیر کی صبح ایک دلدوز سڑک حادثے میں ایک شخص کی بر سر موقع ہی موت واقع ہوئی۔
ذرائع نے بتایا کہ پونچھ کے منڈی علاقے میں پیر کی صبح ایک گاڑی زیر رجسٹریشن نمبرJK12B – 6143 حادثے کا شکار ہوئی۔
انہوں نے کہا کہ اس حادثے میں ایک شخص کی بر سر موقع ہی موت واقع ہوئی ۔

متوفی کی شناخت محمد زبیر ولد نذیر حسین ساکن سیکلو کے طور پر کی گئی ہے۔

دریں اثنا پولیس نے واقعے نوٹس لے کر کارروائیاں شروع کی ہیں۔