قاضی گنڈ 33.2ڈگری کے ساتھ گرم ترین علاقہ درج، سرینگر میں 32ڈگری سیلشس ریکارڈ

سرینگر /21مئی /

ماہ مئی میں درجہ حرارت میں اضافہ کے نتیجے میں پائی جانے والی شدید گرمی کی وجہ سے اہل وادی کیلئے رات دن تکلیف دہ ثابت ہو رہے ہیں وہیں گرمی میں روز بروز اضافہ ہو رہا ہے جس کی ایک کڑی کے تحت سرینگر میں بدھوار کا سب سے گرم ترین دن ریکارڈ کیا گیا ۔

بدھوار کو دن بھر شدید گرمی کی لہر جاری رہی جس دوران درجہ حرارت 32ڈگری سیلشس ریکارڈ کیا گیا ۔محکمہ موسمیات کے مطابق جموں میں بھی گرمی کی شدید لہر جاری ہے اور 41.2ڈگری سیلشس ریکار ڈ کیا گیا ۔محکمہ موسمیات کے مطابق وادی کشمیر میں قاضی گنڈ سب سے گرم ترین رہا جہاں دن کا درجہ حرارت 33ڈگری درج ہوا جو اب تک کا سب سے زیادہ ہے ۔ انہوں نے کہا کہ کپواڑہ میں 30ڈگری جبکہ کرکرناگ میں 31.5ڈگری سیلشس درج ہوا ۔
محکمہ کے مطابق وادی کشمیر میں آئندہ چند دونوں میں موسم میں تبدیلی آنے کے امکانات نہیں ہے اور مجموعی طور پر موسم خشک ہی رہیگا ۔تاہم انہوں نے اس بات کے امکانات ظاہر کئے ہیں کہ گرمی کی شدت میں کمی آسکتی ہے ۔کیونکہ 31مئی سے بارشیں ہوسکتی ہے ۔ ادھر دن گرم ہونے کے ساتھ ہی مجموعی طور پر خشک موسم کی پیشینگوئی کے بیچ جموں و کشمیر کے بیشتر مقامات پر رات کے درجہ حرارت میں اضافہ ہوا

محکمہ موسمیات نے بتایا کہ اگلے 24 گھنٹوں میں بنیادی طور پر خشک موسم کی توقع ہے۔ انہوں نے کہا کہ 26مئی تک کسی ”بڑی تبدیلی“کی توقع نہیں تھی حالانکہ شام کی بارش کے امکان کو، اگرچہ کم ہے لیکن مکمل طور پر رد نہیں کیا جا سکتا۔ادھر محکمہ موسمیات نے لوگوں کو ہائیڈریٹ رہنے، دن کے اوقات میں براہ راست دھوپ سے گریز کرنے اور ہیٹ ویو کے اثرات کو کم کرنے کے لیے احتیاطی تدابیر اختیار کرنے کا مشورہ دیا ہے۔

ادھرحکام صورتحال پر نظر رکھے ہوئے ہیں اور انہوں نے لوگوں پر زور دیا ہے کہ وہ آنے والے دنوں میں موسم کی سرکاری اپ ڈیٹس اور حفاظتی مشوروں پر عمل کریں۔