اب دہشت گردوں کو مٹی میں ملانے کا وقت آگیا ہے ، انہیں تصور سے بھی بڑی سزا ملے گی: وزیراعظم مودی

مدھوبنی، 24 اپریل

وزیر اعظم نریندر مودی نے جموں کشمیر کے پہلگام میں ہوئے دہشت گردانہ حملے کو ہندوستان کی روح پر حملہ قرار دیتے ہوئے اور ملک کی 140 کروڑ آبادی کی قوت ارادی کی طاقت سے گرجتے ہوئے کہا کہ اب دہشت گردوں کوں مٹی میں ملانے کا وقت آ گیا ہے اور دہشت گردوں اور سازش کرنے والوں کو ان کے تصور سے بڑی سزا ملے گی۔

مودی نے جمعرات کو یہاں جھنجھار پور کے لوہانہ پنچایت میں پنچایتی راج کے یوم تاسیس کے موقع پر منعقدہ ایک اجتماع میں 13,480 کروڑ روپے سے زیادہ کے پروجیکٹوں کا افتتاح کرنے اور سنگ بنیاد رکھنے کے بعد اپنے خطاب میں کہا “یہ حملہ صرف غیر مسلح سیاحوں پر نہیں ہے ۔ ملک کے دشمنوں نے ہندوستان کی روح پر حملہ کرنے کی جرات کی ہے ۔”وزیر اعظم نے کہا “میں واضح الفاظ میں کہنا چاہتا ہوں کہ جن دہشت گردوں نے یہ حملہ کیا اور جنہوں نے اس حملے کی سازش کی، ان کو اس سے بڑی سزا ملے گی جس کا وہ تصور بھی نہیں کر سکتے تھے ۔ اب دہشت گردوں کی بچی کھچی زمین کو تباہ کرنے کا وقت آ گیا ہے ۔ 140 کروڑ ہندوستانیوں کی قوت ارادی اب دہشت گردی کے آقاوں کی کمر توڑ کر رہے گی۔”بہار کی سرزمین سے مسٹرمودی نے دہشت گردی کے خلاف ہندوستان کے پختہ عزم کا اعادہ کرتے ہوئے پوری دنیا کو ایک مضبوط پیغام دیا اور واضح الفاظ میں کہا،[؟]ہندوستان ہر اس دہشت گرد اور اس کے سرپرستوں کو پہچانے گا ، تلاش کرے گا اور سزا دے گا، جو ملک کی امن و سلامتی کو چیلنج کرتا ہے ۔ہندوستان دہشت گردوں کا زمین کے آخری کونے تک تعاقب کرے گا اور انصاف کو یقینی بنانے کی ہر ممکن کوشش کرے گا۔

وزیر اعظم نے زور دے کر کہا کہ دہشت گردی سے ہندوستان کی روح کبھی نہیں ٹوٹے گی ا ور دہشت گردوں کو مناسب سزا ملے گی۔ انہوں نے کہا، [؟]ہر وہ شخص جو انسانیت پر یقین رکھتا ہے ہمارے ساتھ ہے ۔ میں مختلف ممالک کے لوگوں اور رہنما¶ں کا شکریہ ادا کرتا ہوں جو اس مشکل وقت میں ہمارے ساتھ کھڑے ہیں۔[؟]مسٹر مودی نے کہا کہ 22 اپریل کو کشمیر کے پہلگام میں دہشت گردوں نے جس بربریت کے ساتھ معصوم شہریوں کا قتل کیا اس سے پوری قوم غمزدہ ہے ۔ ملک کے کڑوروں باشندے غمگین ہیں۔ پوری قوم متاثرہ خاندانوں کے غم میں ان کے ساتھ کھڑی ہے ۔ حکومت اس بات کو یقینی بنانے کی بھی ہر ممکن کوشش کر رہی ہے کہ اس وقت زیر علاج خاندان کے افراد جلد صحت یاب ہو جائیں۔وزیر اعظم نے کہا کہ [؟]اس دہشت گردانہ حملے میں کسی نے اپنا بیٹا کھویا، کسی نے اپنا بھائی اور کسی نے اپنی شریک حیات کو کھو دیا۔ ان میں سے کوئی بنگالی بولتاتھا، کوئی کنڑ بولتا تھا، کوئی مراٹھی تھا، کوئی اوڑیا تھا، کوئی گجراتی تھا اور کوئی بہار کا لعل تھا۔ آج کارگل سے کنیا کماری تک، ان سب کی موت پر ہمارا غم ایک جیسا ہے ۔ ہمارا غصہ ایک جیسا ہے ۔[؟]اس موقع پر بہار کے گورنر عارف محمد خان، وزیر اعلیٰ نتیش کمار، مرکزی وزرائنتیا نند رائے ، جیتن رام مانجھی، راجیو رنجن سنگھ عرف للن سنگھ، گری راج سنگھ، چراغ پاسوان، بہار کے دونوں نائب وزرائے اعلیٰ سمراٹ چودھری اور وجے کمار سنہا، توانائی کے وزیر بیجیندر پرساد، آبی وسائل کے وزیر وجے کمار چودھری، دیہی ترقیات کے وزیر شرون کمار ، وزیر صحت منگل پانڈے ، وزیر صنعت نتیش مشرا، سماجی بہبود کے وزیر مدن سہنی، محصولات و اصلاحات اراضی کے وزیر سنجے سرا[؟]گی، راشٹریہ لوک مورچہ کے صدر اوپیندر کشواہا، جے ڈی یو کے قومی ایگزیکٹیو صدر سنجے جھا، بہار بی جے پی کے صدر ڈاکٹر دلیپ جیسوال سمیت عوامی نمائندے اور بڑی تعداد میں لوگ موجود تھے ۔یواین آئی۔۔