سرینگر/ 27جون / ٹی آئی نیوز
لیفٹنٹ گورنر منوج سنہا نے منگل کو کہا کہ عید محبت اور بھائی چارے کا تہوار ہے جو امن اور آشتی کا پیغام پھیلاتا ہے۔ سنہا نے یہ بات ڈل جھیل کے قریب واقع حضرت بل درگاہ پر عید الاضحی کے انتظامات کا جائزہ لینے کے بعد صحافیوں سے بات کرتے ہوئے کہی۔
انہوں نے کہا کہ عید محبت اور بھائی چارے کا تہوار ہے۔ جموں و کشمیر میں عید کے انتظامات مکمل کر لیے گئے ہیں۔ میں نے انتظامیہ کے ساتھ میٹنگ کی ہے جس میں وقف بورڈ کے چیرپرسن بھی موجود تھیں۔
لیفٹیننٹ گورنر نے کہا کہ ہم نے عید کیلئے صفائی، پانی اور بجلی کی فراہمی پر تبادلہ خیال کیا۔ میرے خیال میں یہ ایک ایسا تہوار ہے جو امن اور سکون کا پیغام پھیلاتا ہے۔
Comments are closed.