سخت سیکورٹی انتظامات کے بیچ ڈی ڈی سی و بلدیاتی انتخا بات کا چھٹا مرحلہ بھی اختتام

چھٹے مرحلے کے انتخابات میں مجموعی طور پر قریب 50فیصد ی پولنگ ریکارڈ، پولنگ پر امن طریقے میں اختتام ہوئی

سرینگر/13دسمبر: شدید ترین ٹھنڈ اور سخت ترین سیکورٹی انتظامات کے بیچ جموںکشمیر میں ضلع ترقیاتی کونسل اور بلدیاتی وضمنی انتخابات کے چھٹے مرحلے کے تحت اتوار کو ووٹ ڈالیں گئے ۔ اتوار کی صبح سے ہی کہیںپولنگ مراکز پر لوگوں کی کافی بھیڑ دیکھنے کو ملی جنہوںنے اپنے ووٹ کا استعمال کیا ۔ مجموعی طور پر چھٹے مرحلے کیلئے 50فیصد کے قریب ووٹ پڑے ۔ ادھر حکام نے اتوار کو بتایا کہ ضلع ترقیاتی کونسل انتخابات کے چھٹے مرحلے میں جموں کشمیرکے اندر دن کے ایک بجے تک 42.79 فیصد ی ووٹنگ ہوئی ۔چھٹے مرحلے کیلئے 31 ڈی ڈی سی حلقہ ہائے انتخاب کیلئے ووڈ ڈالے گئے جن میں 14 نشستیں صوبہ کشمیر اور 17 صوبہ جموں میں ہیں ۔صوبہ کشمیر کے 14 حلقہ ہائے انتخاب میں پولنگ ہوئی جس کیلئے 124 اُمیدوار میدان میں ہیں جن میں 47 خواتین بھی شامل تھیں ۔ سی این آئی کے مطابق سخت ترین سیکورٹی انتظامات اور شدید ٹھنڈ کے چلتے ڈی ڈی سی انتخابات کیلئے جموں کشمیر میں اتوار کو چھٹے مرحلے کے تحت ووٹ ڈالیں گے ۔جموں و کشمیر میں ڈسٹرکٹ ڈیولپمنٹ کونسل (ڈی ڈی سی) اور پنچایتی و بلدیاتی ضمنی انتخابات کے چھٹے مرحلے کی پولنگ کا عمل صبح سات بجے سے شروع ہو کر دن کے دو بجے اختتام پذیر ہوگئی۔چھٹے مرحلے میں 31 ڈی ڈی سی حلقہ ہائے انتخاب کے تحت 6 مرحلے کیلئے ووٹ ڈالے گئے ؎۔اس کے ساتھ ہی 334 پنچ اور 77 سرپنچ نشستوں کیلئے بھی انتخابات عمل لائے گئے ۔31 ڈی ڈی سی حلقہ ہائے انتخاب کیلئے ووڈ ڈالے گئے جن میں 14 نشستیں صوبہ کشمیر اور 17 صوبہ جموں میں ہیں ۔صوبہ کشمیر کے 14 حلقہ ہائے انتخاب میں پولنگ ہوئی جس کیلئے 124 اُمیدوار میدان میں ہیں جن میں 47 خواتین بھی شامل ہیں ۔ جبکہ جموں صوبے کی 17 ڈی ڈی سی حلقہ ہائے انتخاب کیلئے 121 اُمیدوار میدان میں ہیں جن میں 53 خواتین بھی شامل ہیں ۔ ان 31 ڈی ڈی سی حلقہ ہائے انتخاب میں اپنے نمائندے چُننے کیلئے 748301 رائے دہندگان جن میں 390432 مرد اور 357869 خواتین شامل ہیں ، چھٹے مرحلے کیلئے 2071 پولنگ سٹیشن اس سلسلے میں قائم کئے گئے تھے جن میں سے 1208 صوبہ کشمیر اور 863 صوبہ جموں میں قائم کئے گئے تھے ۔چھٹے مرحلے میں 127 سرپنچ خالی نشستوں کو مشتہر کیا گیا جن میں سے 37 بلا مقابلہ کامیاب قرار دئیے گئے ہیں اور اب 77 حلقہ ہائے انتخاب میں ہی پولنگ ہوئی اور اس کیلئے 229 امیدوار بشمول 65 خواتین امیدوار میدان میں ہیں۔ اسی طرح 1548 مشتہر شدہ پنچ نشستوں میں سے 334 حلقہ ہائے انتخاب میں ووٹ ڈالے گئے۔ جس کیلئے 740 اُمیدوار میدان میں ہیں جن میں 180 خواتین امیدوار بھی شامل ہیں تھیں ۔انتظامیہ نے انتخابات کے آسان اور پر امن انعقاد کو یقینی بنانے کے لئے تمام تر انتظامات کو حتمی شکل دی تھی۔ پولنگ مراکز کے اندر اور آس پاس سکیورٹی کے سخت بندوبست کیے گئے تھے۔ وہیں متعلقہ پولنگ عملے کو بھی پولنگ مراکز کی طرف ضروری سازوسامان کے ساتھ پہلے ہی روانہ کیا گیا تھا۔اتوار کی صبح سے ہی پولنگ بوتھوںپر لوگوں کی بھیڑ دیکھنے کو ملی ، پولنگ مراکز پر رائے دہند گان کی لمبی لمبی قطاریں دیکھنے کو ملیں ،جو شدید ٹھنڈ کے باوجود پولنگ مراکز پر رائے دہی کا استعمال کرنے کے لئے اپنی باری کا انتظار کرتے ہوئے دیکھے گئے ۔اننت ناگ ،پلوامہ ،شوپیان ،کولگام ،کپوارہ ،بارہمولہ ،بانڈی پورہ ،گاندر بل ،بڈگام ،کٹھوعہ ،ریاسی ،رام بن ،کٹھوعہ ،سانبا ، جموں ،راجوری اور پونچھ اضلاع میں رائے دہی کے دوران کافی گہماگہمی دیکھنے کو ملی ۔انتخابی عمل کے احسن انعقاد کے لئے سیکورٹی کڑے انتظامات کئے گئے جبکہ حساس علاقوں میں ڈرونز کے ذریعے بھی نگرانی کی گئی ۔اس کے علاوہ کووڈ ۔19کے پیش نظر رائے دہندگان کی پولنگ مراکز پر تھرمل جانچ بھی کی گئی جبکہ پولنگ عملے نے بھی وبا سے محفوظ رہنے کے لئے خاص فیس ماسک ،شیلڈ اور دیگر چیزوں کا استعمال کیا ۔ ادھر حکام کے مطابق جموں و کشمیر میں ضلع ترقیاتی کونسل انتخابات کے چھٹے مرحلے میں اتوار کو دن کے ایک بجے تک 42.72 فیصد ی ووٹنگ ہوئی ۔سرکاری اعداد و شمار کے مطابق کشمیر صوبے میں دن کے ایک بجے تک پلوامہ میں 6.80 فیصد ، بارہمولہ میں 26.6 ، کولگام میں 32.71فیصد ، شوپیاں میں 3.66 فیصد ، اننت ناگ نے 20.95فیصد ، بانڈی پورہ میں 40.57فیصد ، گاندربل میں 45.89فیصد ، کپوارہ 41.21فیصد اور بڈگام 27.44فیصد جبکہ اسی طرح سے دن کے ایک بجے تک جموں ڈوبے میں ادھم پور میں 54.69فیصد ، جموں 55.62فیصد ، کٹھوعہ 50.09فیصد ، رام بن61.91 ، ڈوڈہ 53.39 ، سانبہ میں60.61فیصد ، پونچھ میں 60.73فیصد ، راجوری 63.07فیصد اور ریاسی میں 61.21فیصد ووٹنگ ہوئی ہے۔ادھر حکام کے مطابق جموںکشمیر میں چھٹے مرحلے کے انتخابات کیلئے اتوار کو پولنگ پُر امن طریقے سے اختتام پذیر ہوئی اور کہیں سے بھی کوئی نا خوشگوار واقعہ پیش نہیں آیا ۔