تعلیمی اداروں اوراسپتالوں کو امرناتھ یاترا کے پیش نظر خالی کیا جائیگا؛لوگ افواہوں پر دھیان نہ دیں ، گھبرانے کی کوئی ضرورت نہیں / ایس ایس پی گاندربل

سرینگر/30جون: محکمہ فوڈ اینڈ سپلائیز کے بعد گاندربل پولیس نے واضح کر دیا کہ ضلع میں تعلیمی ادارو ں کو فورسز کیلئے خالی کرنے کا عمل محض امر ناتھ یاترا کیلئے ہیں اور لوگوں کو افواہوں پر دھیان نہیں دینا چاہئے ۔ سی این آئی کے مطابق گاندربل میں پولیس پبلک میٹنگ کے بعد میڈیا کے سوال کے جواب میں ایس ایس پی گاندربل خلیل پسوال نے بتایا کہ ضلع میں فورسز کیلئے تعلیمی ادارے اور اسپتالوں کو ٰخالی کرنے کے حکمنامہ سے کسی بھی طرح کی گھبرانے کی ضرورت نہیں ہے اور یہ عمل صرف امرناتھ یاترا کیلئے اٹھا گیا ہے ۔ انہوں نے کہا کہ جب بھی امرناتھ یاترا کی شروعات ہوتی ہے تو حفاظتی انتظامات کیلئے ہمیں اسکولوں اور اسپتالوں کی ضرورت پڑتی ہے ۔انہوںنے کہا کہ اس طرح کے کیمونکشن ہم روز انتظامیہ کو لکھتے ہیں اور اس میںکوئی نئی بات نہیںہے اور نہ ہی کوئی گھبرانے والی بات ہے ۔انہوں نے لوگوں سے اپیل کی ہے کہ وہ افواہوں پر دھیان نہ دیں اور جو بھی شر پسند عناصر ماحول کو خراب کرنے کی کوشش کرتے ہیں ان کی افواہوں پر دھیان نہ دیا جائے ۔ انہوں نے کہا کہ امرناتھ یاترا کے پیش نظر یہ معمول عمل ہے اور اس میںکسی قسم کی گھبرانے کی کوئی ضرورت نہیں ہے ۔