سرینگر/30جون: پی ڈی پی صدر و سابق وزیر اعلیٰ محبوبہ مفتی کی صاحبزادی التجا مفتی نے مرکزی حکومت کے چینی موبائل ایپلی کیشنز پر پابندی عائد کرنے کے اعلان پر تبصرہ کرتے ہوئے کہا ہے کہ اب چینی فوج کو وادی گلوان سے نکلنا پڑے گا۔ادھر نیشنل کانفرنس کے نائب صدر اور سابق وزیر اعلیٰ عمر عبداللہ نے بھی اس سے متعلق ردعمل کا اظہار کرتے ہوئے کہا کہ اگر صرف پب جی چینی ایپ ہوتی تو ملک کے نوجوانوں کو تعلیم حاصل کرنے اور ملک کی تعمیر کے لئے کافی وقت میسر ہوجاتا۔ سی این آئی مانیٹرنگ کے مطابق ہند چین کشیدگی کے چلتے مرکزی سرکار کی جانب سے ٹک ٹاک سمیت 59چینی ایپلی کیشنز پرپابندی عائد کرنے کے بعد مرکزی سرکارکی تنقید کرتے ہوئے پی ڈی پی صدر و سابق وزیر اعلیٰ محبوبہ مفتی کی صاحبزادی التجا مفتی نے مرکزی حکومت کے چینی موبائل ایپلی کیشنز پر پابندی عائد کرنے کے اعلان پر تبصرہ کرتے ہوئے کہا ہیکہ اب چینی فوج کو وادی گلوان سے نکلنا پڑے گا۔ التجا مفتی نے اس کے ردعمل میں اپنے ایک ٹویٹ میں کہا: ‘چینی فوج کو بالآخر وادی گلوان چھوڑنی پڑے گی۔ کیونکہ اب وہ ٹک ٹاک ایپ کا استعمال نہیں کرسکیں گے۔ کیا گھر میں گھس کے مارا’۔دوسری جانب نیشنل کانفرنس کے نائب صدر اور سابق وزیر اعلیٰ عمر عبداللہ نے بھی اس سے متعلق ردعمل کا اظہار کرتے ہوئے کہا کہ اگر صرف پب جی چینی ایپ ہوتی تو ملک کے نوجوانوں کو تعلیم حاصل کرنے اور ملک کی تعمیر کے لئے کافی وقت میسر ہوجاتاہے ۔
Comments are closed.