5ڈاکٹروں اور 19آرمڈ فورسز اہلکاروں سمیت 45افراد ٹیسٹ مثبت ، مریضوں کی تعداد 12سو عبور کر گئی

سرینگر/18مئی: جموں کشمیر میں 24گھنٹوں کے دوران5ڈاکٹروں اور 19آرمڈ فورسز اہلکاروں سمیت 45افراد کے کورونا ٹیسٹ مثبت آنے کے بعد مریضوں کی تعداد 12سو سے متجاوز کر گئیں ۔ ادھر عالمی وبائی بیماری کوروناوائرس بڑھتے پھیلائو کے بیچ لاک ڈاون کے 60ویں روز بھی وادی کشمیر میں معمولات زندگی درہم برہم ہوکے رہ گئیں ۔ جبکہ ریڈ زون قراردئے گئے علاقوں میں پابندیوں کو مزید سخت کرنے کا فیصلہ کیا گیا ہے تاکہ اس عالمی وبائی وائرس کو پھیلنے سے روکا جاسکے ۔اس دوران وادی کے حساس مقامات کے علاوہ شہر خاص و لالچوک کے گردونواح میں حفاظت کے سخت انتظامات کئے گئے ۔ اسی دوران اسپتالوں سے مریضوں کی صحت یابی کے بعد گھروں کو رخصت ہونے کا سلسلہ بھی جاری ہے۔ سی این آئی کے مطابق جموں کشمیر میں کورنا وائرس کے کیسوں میں ہر گزرتے دن کے ساتھ اضافہ دیکھنے کو ملتا ہے ۔گزشتہ 24گھنٹوں کے دوران 5ڈاکٹروں اور 19آرمڈ فورسز اہلکاروں سمیت 45افراد کے کورونا ٹیسٹ مثبت آنے کے بعد مریضوں کی تعداد 12سو سے متجاوز کر گئیں ۔ جی ایم سی سرینگر میں تعینات ڈاکٹر سلیم خان نے خبر رساں کو بتایا کہ کورونا میں مبتلا ء ہونے والے نئے مریضوں میں5ڈاکٹر بھی شامل ہیں۔ان ڈاکٹروں میں3کا تعلق صدر اسپتال کے شعبہ ای این ٹی ،1کا تعلق ڈینٹل کالیج اور مزید1کا تعلق سکمز بمنہ سے ہے۔مزید 45مریضوں کے کورنا وائرس مثبت آنے کے بعد جموں کشمیر میں مریضوں کی تعداد 12سے متجاوز کر گئی ۔ ادھر کشمیر میں کورنا وائرس کے مریضوں میں اضافہ کے بیچ لاک ڈائون بھی سختی سے نافذ ہے اور بھارت بھر کے ساتھ ساتھ وادی کشمیر میں بھی آج لاک ڈاون پر مکمل عمل درآمد ہوا جس کے نتیجے میں وادی کشمیر میںمعمولات زندگی بُری طرح سے متاثر ہوئی ہے جبکہ وادی میں حساس علاقوں کے ساتھ ساتھ شہر خاص میں سخت بندشیں عائد رہیں ۔کورناوئرس کے کیسوںمیں مسلسل اضافہ ہونے کے نتیجے میں اہلیان وادی میں سخت تشویش دور گئی ہے اور لوگوں میں سخت خوف و ہراس پھیل گیا ہے ۔ اس دوران انتظامیہ کی جانب سے بندشوں میں مزید سختی برتی جارہی ہے اور حکم امتناعی کی خلاف ورزی کرنے والوں سے سختی سے نمٹا جارہا ہے ۔اور درجنوں افراد کے خلاف روزانہ کیس دائر کیا جارہا ہے ۔ عالمی وبائی کوروناوائرس کے تیزی کے ساتھ پھیلائو کی وجہ سے ملک بھر کے ساتھ ساتھ وادی کشمیر میں بھی گذشتہ60دنوں سے مکمل لاک ڈاون جاری ہے جس کے نتیجے میں معمولات زندگی درہم برہم ہے ۔ کورونا وائرس کے پھیلاؤ کی رفتار تیز گام ہونے کے پیش نظر وادی میں مسلسل 60ویں روز بھی سخت لاک ڈاؤن جاری رہا وہیں لوگوں میں بھی خوف وتشویش لہر بھی جاری ہے اور لوگوں میں سخت خوف و ہراس پھیل گیا ہے ۔ لاک ڈاون جاری رہنے کے باوجود بھی وادی میں کوروناوائرس کے کیسوں میں مسلسل اضافہ ہوتا جارہا ہے ۔ انتظامیہ نے کورونا وائرس پر قابو پانے کے لئے درجنوں ان علاقوں، جن سے وائرس کے مصدقہ یا مشتبہ کیسز سامنے آئے ہیں، کو ‘ریڈ زون’ قرار دے کر مکمل سیل کیا ہے اور ان علاقوں کے لوگوں کو اپنے ہی گھروں میں قرنطینہ میں رکھا گیا ہے۔جبکہ پابندی کو مزید سخت کردیا گیا ہے اس کے ساتھ ساتھ کوروناوائرس کو پھیلنے سے بچنے کیلئے حکم امتناعی کی خلاف ورزی کرنے والوں کے خلاف بھی انتظامیہ اور پولیس کی جانب سے کارروائیاں انجام دے رہے ہیں۔