25مزید مریضوں کے ٹیسٹ کورنا وائرس کیلئے مثبت ، تعداد 639تک پہنچ گئی ، 31مریض صحت یاب

لاک ڈائون کے 44روز مکمل ، دیگر کئی علاقے ریڈزون میں شامل ، لوگوں کی نقل و حمل پر مکمل بندش عائد

سرینگر/یکم مئی/سی این آئی// وادی کشمیر میں کورنا وائرس کے کیسوں میں ہر گزرتے دن کے ساتھ ہی اضافہ کے بیچ مزید 25افراد کے کورنا وائرس ٹیسٹ مثبت آنے کے بعدمریضوں کی تعداد 639تک پہنچ گیا ، جبکہ جمعہ کو31مریض صحت یابی کے بعد اسپتالوں سے رخصت کئے گئے ۔ اسی دوران لاک ڈائون کے چلتے جموں وکشمیر کے13اضلاع میں تمام ریڈ زون والے علاقوں میں لاک ڈاون مزیدسخت کردیا گیا ہیجبکہ عالمی وبائی بیماری کوروناوائرس بڑھتے پھیلائو کے بیچ لاک ڈاون کے 44ویں روز بھی وادی کشمیر میں معمولات زندگی درہم برہم ہوکے رہ گئیں ۔اس دوران وادی کے حساس مقامات کے علاوہ شہر خاص و لالچوک کے گردونواح میں حفاظت کے سخت انتظامات کئے گئے ۔جبکہ مسلسل ساتویں جمعہ کو بھی مساجد کے مبر و محراب خاموش رہیں اور ما ہ رمضان کے پہلے جمعہ کو بھی کہیں مساجد میں نماز ادا نہ ہو سکی ۔ سی این آئی کے مطابق جموں کشمیر میں کورنا وائرس کے کیسوں میں ہر گزرتے دن کے ساتھ اضافہ دیکھنے کو ملتا ہے ۔کشمیر میں کورونا مریضوں کی تعداد میں مسلسل اضافہ ہورہا ہے اورجمعہ کے روز 25ٹیسٹ رپورٹ مثبت ثابت ہوئے ہیں۔ جموں کشمیر حکومت کے ترجمان روہت کنسل نے اپنی ایک ٹویٹ میں لکھا کہ صحت یاب مریض کورنا مرٰضوں سے مثبت نکل گئے جس دوران جمعہ کو وادی کشمیر کے 25مریضوں کے کورنا وائرس ٹیسٹ مثبت آئے تاہم 31صحت یاب بھی ہو گئے ۔ انہوں نے لکھا کہ کل مل کر مریضوں کی تعداد جموںکشمیر میں 639پہنچ گئی جن میں ایکٹو 384(جموں 6اور کشمیر 378) ۔ ان مریضوں میں جنوبی ضلع اننت ناگ سے 12،بارہمولہ سے 1،شوپیان اور سرینگر ضلع سے دو دوو، بانڈی پورہ او بڈگام میں ایک ایک جبکہ کپواڑہ 6مریض ہے ۔ ادھروادی کشمیر میں کورنا وائرس کے مریضوں میں اضافہ کے بیچ لاک ڈائون بھی سختی سے نافذ ہے اور بھارت بھر کے ساتھ ساتھ وادی کشمیر میں بھی آج لاک ڈاون پر مکمل عمل درآمد ہوا جس کے نتیجے میں وادی کشمیر میںمعمولات زندگی بُری طرح سے متاثر ہوئی ہے جبکہ وادی میں حساس علاقوں کے ساتھ ساتھ شہر خاص میں سخت بندشیں عائد رہیں ۔کورناوئرس کے کیسوںمیں مسلسل اضافہ ہونے کے نتیجے میں اہلیان وادی میں سخت تشویش دور گئی ہے اور لوگوں میں سخت خوف و ہراس پھیل گیا ہے ۔ اس دوران انتظامیہ کی جانب سے بندشوں میں مزید سختی برتی جارہی ہے اور حکم امتناعی کی خلاف ورزی کرنے والوں سے سختی سے نمٹا جارہا ہے ۔اور درجنوں افراد کے خلاف روزانہ کیس دائر کیا جارہا ہے ۔ عالمی وبائی کوروناوائرس کے تیزی کے ساتھ پھیلائو کی وجہ سے ملک بھر کے ساتھ ساتھ وادی کشمیر میں بھی گذشتہ44روز سے مکمل لاک ڈاون جاری ہے جس کے نتیجے میں معمولات زندگی درہم برہم ہے ۔ کورونا وائرس کے پھیلاؤ کی رفتار تیز گام ہونے کے پیش نظر وادی میں مسلسل 44ویں روز بھی سخت لاک ڈاؤن جاری رہا وہیں لوگوں میں بھی خوف وتشویش لہر بھی جاری ہے اور لوگوں میں سخت خوف و ہراس پھیل گیا ہے ۔مسلسل ساتویں جمعہ کو بھی وادی کشمیر میں نماز جمعہ ادا نہ ہو سکی جبکہ ماہ رمضان میں تاریخ میں پہلی بار کسی مساجد میں نماز ادا نہ ہوسکی ۔ لاک ڈاون جاری رہنے کے باوجود بھی وادی میں کوروناوائرس کے کیسوں میں مسلسل اضافہ ہوتا جارہا ہے ۔ انتظامیہ نے کورونا وائرس پر قابو پانے کے لئے درجنوں ان علاقوں، جن سے وائرس کے مصدقہ یا مشتبہ کیسز سامنے آئے ہیں، کو ‘ریڈ زون’ قرار دے کر مکمل سیل کیا ہے اور ان علاقوں کے لوگوں کو اپنے ہی گھروں میں قرنطینہ میں رکھا گیا ہے۔جبکہ پابندی کو مزید سخت کردیا گیا ہے اس کے ساتھ ساتھ کوروناوائرس کو پھیلنے سے بچنے کیلئے حکم امتناعی کی خلاف ورزی کرنے والوں کے خلاف بھی انتظامیہ اور پولیس کی جانب سے کارروائیاں انجام دے رہے ہیں۔( سی این آئی )