وادی کشمیر میں لاک ڈان میں مزید سختی لوگ اپنے گھروں میں محصور

سرینگر:لاک ڈاون کے دوسرے مرحلے کے تحت وادی کشمیر میں بھی لاک ڈاون بدستور جاری ہے اور گذشتہ 29روز سے تمام تر سرگرمیاں معطل ہے جبکہ جمعرات کو بھی شہر سرینگر سمیت دیگر قصبہ جات میں سخت ترین بندشیں نافذ رہیں ۔ کوروناوائرس کے معاملات میں روز افزوں تیزی کے ساتھ اضافہ کے پیش نظر شہر خاص کے متعدد علاقوں کو ریڈ زون قراردیا گیا ہے ۔ جبکہ حکم امتناعی کی خلاف ورزی کرنے والوں کے خلاف سختی سے نمٹا جارہا ہے اور روزانہ درجنوں افراد بشمول دکانداروں کے خلاف پولیس کی جانب سے کارروائی کی جارہی ہے ۔ ادھر مسلسل بند کی وجہ سے وادی کشمیر میں زندگی بُری طرح متاچر ہوچکی ہے ۔ وادی میں ہر گزرتے دن کے ساتھ کوروناوائرس کے کیسوں میں تیزی کے ساتھ اضافہ سے ہر طبقہ متفکر ہوا ہے جبکہ لوگ انتہائی خوفزدہ ہوگئے ہیں ۔ جبکہ لاک ڈاون کے نتیجے میں وادی بھر میں ہو کا عالم رہا اور سڑکوں پر سناٹا چھایا رہا سڑکوں کی پبلک وکمرشل ٹرانسپورٹ غائب دکانیں مقفل ہیں ۔ دوسری جانب موسم کی ابتر صورتحال نے بھی اہلیان وادی کی مشکلات میں اضافہ کردیا ہے ۔ کرنٹ نیوز آف انڈیا کے مطابق عالمی وبائی کوروناوائرس کے تیزی کے ساتھ پھیلاءو کی وجہ سے ملک بھر کے ساتھ ساتھ وادی کشمیر میں بھی دوسرے مرحلے کے تحت لاک ڈاون مسلسل جاری ہے اور یہاں گذشتہ 29 روز سے مکمل لاک ڈاون جاری ہے جس کے نتیجے میں معمولات زندگی درہم برہم ہے ۔ ریڈ زون قراردئے گئے علاقوں میں حکم امتناعی سختی سے نافذ العمل ہے ۔ دریں اثناء شہر سرینگر اور دیگر قصبہ جات سے اطلاعات موصول ہورہی ہے کہ کھانے پینے کی اشیاء میں قلت کے علاوہ قیمتوں میں بے تحاشہ اضافہ ہورہا ہے جس نے عام لوگوں کی مشکلات میں اور زیادہ اضافہ کردیا ہے ۔ ادھر کوروناوائرس میں پھیلاءو اور مریضوں میں اضافہ ہونے کے نتیجے میں لوگوں میں بھی خوف وتشویش لہر بھی جاری ہے اور لوگوں میں سخت خوف و ہراس پھیل گیا ہے ۔ انتظامیہ نے کورونا وائرس پر قابو پانے کے لئے شہر خاص کے علاوہ دیگر اضلاع کے درجنوں ان علاقوں ، جن سے وائرس کے مصدقہ یا مشتبہ کیسز سامنے آئے ہیں ، کو ;39;ریڈ زون;39; قرار دے کر مکمل سیل کیا ہے اور ان علاقوں کے لوگوں کو اپنے ہی گھروں میں قرنطینہ میں رکھا گیا ہے ۔ جبکہ پابندی کو مزید سخت کردیا گیا ہے اس کے ساتھ ساتھ کوروناوائرس کو پھیلنے سے بچنے کےلئے حکم امتناعی کی خلاف ورزی کرنے والوں کے خلاف بھی انتظامیہ اور پولیس کی جانب سے کارروائیاں انجام دے رہے ہیں اور روزانہ درجنوں افراد جن میں دکانداربھی شامل ہوتے ہیں کے کخلاف پولیس کارروائی کرتی ہے اس کے ساتھ ساتھ بلا وجہ گھروں سے نکل کر سڑکوں کے چکر کاٹنے کی پاداش میں کئی گاڑیوں کو اب تک ضبط کیا گیا ہے ۔ ادھر لاک ڈاون کا ناجائز فائدہ اُٹھانے والوں نے عام لوگوں کا خون چوسنا شروع کیا ہے جن کے خلاف انتظامیہ کارروائی کرنے سے قاصر ہے ۔ لاک ڈاون جاری رہنے کے باوجود بھی وادی میں کوروناوائرس کے کیسوں میں مسلسل اضافہ ہوتا جارہا ہے ۔ دریں اثناء موسم کی دگرگوں صورتحال نے بھی اہلیان وادی کی مشکلات میں اضافہ کردیا ہے ایک طرف لاک ڈاون دوسری طرف موسم کی ابتر صورتحال سے لوگ پریشان ہوگئے ہیں ۔