بھارت میں ٹرین کی کوچز کو آئسولیشن وارڈ بنانے کا فیصلہ /مرکزی ریلوے وزیر

سرینگر30 //مارچ//یو پی آئی // بھارت میں کورونا وائرس کے مکنہ بڑھتے ہوئے کیسز کے پیش نظر حکام نے ریلوے کوچز کو آئسولیشن وارڈ بنانے کی تیاری شروع کردی ہے۔یو پی آئی مانٹرنگ کے مطابق وزیر اعظم نریندر مودی نے گزشتہ ہفتے 21روزہ لاک ڈاو¿ن کا اعلان کرتے ہوئے سوا ارب سے زائد آبادی کو گھروں میں رہنے کی ہدایت کی ہے۔بھارت میں ابتدائی طور پر کیسز انتہائی کم سے رپورٹ ہوئے تھے لیکن اب بہت تیزی کے ساتھ کیسز میں اضافہ شروع ہو چکا ہے حالانکہ بھارت میں ٹیسٹنگ کٹس کی کمی کے سبب بڑی تعداد میں لوگوں کے ٹیسٹ بھی نہیں کیے جا رہے۔بھارت نے لاک ڈاو¿ن کے سبب ملک بھر میں ٹرین سبب ٹرانسپورٹ کے تمام ذرائع پر بھی پابندی عائد کردی ہے اور اسی وجہ سے ٹرین کی کوچز کو قرنطینہ سینٹر بنانے کا فیصلہ کیا گیا ہے۔ حکومت کی جانب اجازت ملنے کے بعد ہر زون میں ہر ہفتے 10کوچز کو آئسولیشن بنایا جائے گا اور بھارت میں ریلوے کے ک±ل 16زون ہیں۔وزیر ریلوے پویش گوئل نے کہا کہ ریلوے مریضوں کو صاف، سیناٹائزڈ اور صحت ماحول فراہم کرے گا تاکہ وہ مکمل طور پر صحتیاب ہو سکیں البتہ انہوں نے یہ واضح نہیں کیا کہ ان کوچز میں مریضوں کا خیال کس طرح رکھا جائے گا۔بھارت میں اب تک ایک ہزار 71افراد کورونا وائرس کا شکار ہو چکے ہیں جبکہ خطرناک وائرس کی زد میں آ کر 29افراد لقمہ اجل بن چکے ہیں۔بھارت میں فوج کے دو افسران کے ٹیسٹ بھی مثبت آئے ہیں جس سے دونوں کے یونٹس میں افراتفری پھیل گئی ہے۔کولکتہ کے ہسپتال میں فرائض انجام دینے والے ایک آرمی ڈاکٹر اور دہرادون کے فوجی اڈے پر تعینات جونیئر کمیشن آفیسر میں وائرس کی تصدیق کے بعد وہاں موجود دیگر فوجیوں کے بھی کورونا کے ٹیسٹ شروع کردیے گئے ہیں۔ملک میں لاک ڈاو¿ن کے اعلان کے بعد دوسرے شہروں سے آئے مزدور طبقے نے ہزاروں کی تعداد میں اپنے شہروں کا رخ کرنا شروع کردیا ہے۔تاہم ٹرانسپورٹ نہ ہونے کی وجہ سے لوگوں کو اپنے گھر واپسی میں مشکلات کا سامنا ہے اور بڑی تعداد میں لوگوں نے پیدل سفر کر کے گھر پہنچنے کی کوشش شروع کردی ہے۔اتوار کو نئی دہلی سے 270کلومیٹر دور اپنے آبائی علاقے مدھیا پردیش پیدل سفر کرنے کی کوشش کرنے والے نوجوان کی موت ہو گئی جبکہ بڑی تعداد میں لوگوں کی حالت خراب ہونے کی بھی اطلاعات موصول ہوئیں۔ادھر امریکا کی طرح بھارت نے بھی اپنی کارساز کمپنیوں کو وینٹی لیٹرز اور ماسک بنانے کی ہدایات دے دی ہیں۔ان ہدایات کے بعد بھارت کی سب سے بڑی کار ساز کمپنی ماروتی سوزوکی نے وینٹی لیٹرز، ماسک اور دیگر حفاظتی آلات بنانے پر رضامندی ظاہر کردی ہے۔