دفعہ 370کی منسوخی اور شہریت ترمیمی قانون پر بولنے کا کسی کو حق نہیں ، ہم اپنے معاملات سنبھالنے کے اہل / نائیڈو

سرینگر/21فروری: بھارت کے اندرونی معاملات پر تبصرہ کرنا چند ممالک میں فیشن بن گیا ہے کی بات کرتے ہوئے نائب صدر ہند وینکیا نائیڈو نے کہا کہ ہم ان ممالک کو بتاتے ہیں کہ آپ اپنے ممالک کی فکر کریں ہم اپنے معاملات سنبھالنے کے اہل ہیں۔ کشمیر کے حالات کو بہتر قرار دیتے ہوئے انہوںنے کہا کہ جموں وکشمیر میں امن بحالی پہلی ترجیح ہے ۔ سی این آئی مانیٹرنگ کے مطابق کالج آف آرٹس اینڈ سائنس میں طلباء کے اجتماع سے خطاب کرتے ہوئے نائب صدر وینکیا نائیڈو نے کہا کہ ہندوستان کے اندرونی معاملات پر تبصرہ کرنا چند ممالک میں یہ فیشن بن گیا ہے۔انہوں نے کہا کہ ہمارے معاملات پر تبصرہ کرنا ایک فیشن بن گیا ہے۔ لیکن ہم ان ممالک کو بتاتے ہیں کہ آپ اپنا انتظام کریں اور ہم اپنا انتظام کریں گے۔ ہم اپنے معاملات سنبھالنے کے اہل ہیں۔ نائب صدر نے مزید کہا ، ، یہ چند مغربی ممالک ہے جو کبھی بھی کشمیر یا شہریت (ترمیمی) ایکٹ کے بارے میں بات کرتے نہیں تھکتے ہیں۔ انہوں نے کہا کہ میں ان ممالک کے نمائندوں سے پوچھنا چاہتا ہو کہ اگر ہندوستان بریکسٹ جاتے ہیں یا وہاں سے نکل جاتے ہیں تو انہیں کیسا محسوس ہوگا۔جموں کشمیر سے دفعہ 370کے خاتمہ کے بارے میں بات کرتے ہوئے انہوں نے کہا کہ جموں کشمیر میں دفعہ 370عارضی تھا جس کے بعد اس معاملے کو لیکر پارلیمنٹ میں بحث ہوئے اور تب ہی جاکر ہماری سرکار نے اس کا خاتمہ کیا لیکن میں یہ سمجھنے سے قاصر ہوں کہ اس معاملے کو بھی کچھ ممالک نے اپنے ذاتی مقاصد کیلئے اجاگر کیا ۔ انہوں نے کہا کہ میں واضح کر دینا چاہتا ہوں کہ جموں کشمیر بھارت کا اٹوٹ انگ تھا ، ہے اور رہیں گا۔کشمیر میں سرحد پار کی طرف سے چھیڑی گئی درپردہ جنگ کا ذکر کرتے ہوئے انہوںنے کہا کہ درپردہ جنگ ہی کشمیر میں امن کیلئے بڑا خطرہ ہے اور اس خطرے سے نمٹنے کیلئے ہر سطح پر سیکورٹی فورسز کو کام کرنا ہوگا۔کشمیر کے حالات کو بہتر قرار دیتے ہوئے انہوں نے کہا کہ جموں وکشمیر میں تعینات فوج کیلئے امن بحالی پہلی ترجیح ہے تاہم انہوں نے خبردار کیا کہ سرحد پار کی درپردہ جنگ کشمیر میں امن کیلئے ہنوز خطرہ ہے ۔(سی این آئی )