کشمیر: اگلے تین دنوں کے دوران بارشوں کے ساتھ تیز ہوائیں چلنے کی پیشگوئی

سری نگر، 2 مئی

محکمہ موسمیات کی پیش گوئی کے مطابق وادی کشمیر میں اگلے تین دنوں کے دوران گرج چمک کے ساتھ ساتھ بارشوں کا امکان ہے جبکہ اس دوران کہیں کہیں تیز ہوائیں بھی چل سکتی ہیں۔
محکمے نے کسانوں سے کہا ہے کہ وہ 6 مئی کے بعد اپنے کھیت کھلیانوں اور باغوں میں اپنے آپریشنز دوبارہ شروع کرسکتے ہیں۔
متعلقہ محکمے کے ایک ترجمان نے بتایا کہ وادی میں 2 سے 5 مئی تک گرج چمک کے ساتھ بارشوں کا امکان ہے جبکہ اس دوران کہیں کہیں تیز ہوائیں بھی چل سکتی ہیں۔انہوں نے کہا کہ 6 سے 8 مئی تک موسم مجموعی طور پر خشک رہنے کا امکان ہے۔
ان کا کہنا ہے کہ بعد ازاں وادی میں 9 سے 11 مئی تک ایک بار پھر گرج چمک کے ساتھ بارشوں کا امکان ہے اور اس دوران کہیں کہیں تیز ہوائیں بھی چل سکتی ہیں۔
محکمے نے اپنی ایڈوائزری میں تمام لوگوں سے کہا ہے کہ وہ مقامی انتظامیہ اور ٹریفک ایڈوائزریز پر عمل کریں۔
انہوں نے کہا کہ اس دوران کہیں کہیں گرج چمک کے ساتھ تیز بارشیں اور کہیں کہیں 40 سے 50 کلو میٹر فی گھنٹہ کی رفتار سے تیز ہوائیں چل سکتی ہیں۔
کسانوں سے کہا گیا ہے کہ وہ 6 مئی کے بعد اپنے کھیت کھلیانوں اور باغوں میں اپنے آپریشنز دوبارہ شروع کرسکتے ہیں۔
ادھر وادی میں دن اور رات کا درجہ حرارت معمول سے زیادہ ریکارڈ ہو رہا ہے۔
وادی میں سیاحتی مقام گلمرگ سرد ترین مقام رہا ہے جہاں کم سے کم درجہ حرارت 8.5 ڈگری سینٹی گریڈ ریکارڈ کیا گیا جبکہ صوبہ جموں میں بانہال سب سے سرد جگہ رہی ہے جہاں شبانہ درجہ حرارت12.3 ڈگری سینٹی گریڈ ریکارڈ ہوا ہے۔