ویڈٰیو: شوپیان میں فورسز کارروائی میں زخمی نوجوان کی حالت نازک ، ناگہ بل میں ہڑتال

ناگہ بل چوک میں نوجوانوں نے احتجاجی مظاہرے کئے، علاقہ میں کشیدگی اور تنائو

سرینگر/14جنوری/سی این آئی/ زینت الاسلام کی نماز جنازہ میں شرکت کرنے کی غرض سے گاندربل سے شوپیاں جانے والا نوجوان شوپیاںمیں فورسز کی مبینہ فائرنگ کے نتیجے میں زخمی ہوا تھا جس کی حالت ہسپتال میں نازک بتائی جارہی ہے ۔ نوجوان کی حالت نازک کی خبر پھیلتے ہی ناگہ بل گاندربل میں کشیدگی کا ماحول پھیل گیا اور نوجوانوںنے سڑکوں پر آکر احتجاجی مظاہرے کئے جس کے بعد ناگہ میں ہڑتال ہوئی اور تمام دکانات بند رہے ۔ کرنٹ نیوز آف انڈیا کے مطابق گزشتہ روز البدر نامی جنگجو تنظیم سے وابستہ زینت الاسلام اور شکیل احمد جاں بحق ہوئے تھے جن کی نمازجنازہ میں شرکت کرنے کیلئے ضلع گاندربل کے ناگہ بل رنگل کانوجوان محمد رفیق پرے اپنے گھر سے نکلا اور شوپیاں پہنچنے کے بعد جنازہ جلوس میں شرکت کے دوران فورسز کی کارروائی میں شدید زخمی ہوا تھا جس کو سرینگر صورہ میںعلاج و معالجہ کیلئے پہنچایا گیا ۔ مذکورہ نوجوان کی حالت نازک ہونے کی خبرجونہی اسکے علاقہ کو پہنچی تو وہاں کے نوجوانوں نے ناگہ چوک میں احتجاجی دھرنا دیا جس کے بعد ناگہ بل کا بازار فوری طور پر بند ہوااور سڑکوں سے ٹریفک کی نقل و حمل بھی غائب ہوئی ہڑتال گذشتہ روز شوپیان میں فورسز کارروائی کے دوران ایک نوجوان کے زخمی ہونے کیخلاف کی جارہی ہے جو ضلع گاندر بل کا رہنے والا ہے اور صورہ میڈیکل انسٹی چیوٹ کے اندر موت و حیات کی کشمکش میں مبتلا ہے۔ہڑتال کی وجہ سے علاقے میں کاروباری سرگرمیاں معطل ہیں جبکہ سڑکوں پر بھی کافی کم ٹریفک نظر آرہی ہے اور علاقہ میں کشیدگی اور تنائو کا ماحول پھیل گیا ہے ۔