تازہ ترینبین الاقوامی

ڈونالڈ ٹرمپ کے بیان سے ہلچل، کہا "خشوگی کے قتل کے لئے سعودی شہزادہ کونہیں ملے گی سزا”۔

By KPS Desk

 

امریکہ کے صدر ڈونالڈ ٹرمپ نے اس بات کا واضح اشارہ دیا ہے کہ وہ سعودی عرب کے شہزادہ محمد بن سلمان کے خلاف کوئی کارروائی نہیں کریں گے۔ شہزادہ محمد بن سلمان پرالزام ہے کہ ان کے اشاروں پرہی امریکی صحافی جمال خشوگی کا قتل کیا گیا تھا۔

ڈونالڈ ٹرمپ نے ایک بیان جاری کرتے ہوئے کہا کل "سعودی عرب سے امریکہ کا مضبوط رشتہ قائم رہے گا۔ امریکہ میں وہ سرمایہ کاری کے لئے بھی تیارہیں”۔ بیان میں یہ بھی کہا گیا ہے کہ امریکہ کی خفیہ ایجنسی کو جمال خشوگی کے قتل کے بارے میں تمام اطلاعات ہیں۔

بیان میں آگے لکھا گیا ہے "ہوسکتا ہے کہ محمد بن سلمان کو اس قتل کے بارے میں معلوم ہو…. یہ بھی ہوسکتا ہے کہ اس میں ان کا ہاتھ ہو بھی یا نہیں بھی۔ 100 فیصد کچھ نہیں کہا جاسکتا”۔ ٹرمپ نے کہا ہے کہ وہ سعودی شہزادہ محمد بن سلمان سے آئندہ ہفتے ارجنٹینا میں ہونے والے  جی 20 کی میٹنگ میں ملاقات بھی کریں گے۔

 

واضح رہے کہ واشنگٹن پوسٹ کے صحافی جمال خشوگی کی دواکتوبرکوترکی کے استنبول واقع سعودی عرب کے سفارت خانے میں قتل کردیا گیا تھا۔ اس معاملے میں سعودی بادشاہ سلمان پرانگلیاں اٹھ رہی ہیں۔ گزشتہ دنوں امریکی وزارت خارجہ نے کہا تھا کہ فی الحال امریکہ اس نتیجے پرنہیں پہنچ سکا ہے کہ جمال خشوگی کا قتل کس نے کیا۔

KPS Desk 7730 posts 0 comments
You might also like More from author

Comments are closed.