شدید گرمی کی لہر سے اہلیان وادی کو راحت نصیب ہوئی کیونکہ شہر سرینگر سمیت وادی کے شمال و جنوب میں بارشیں ہوئی ۔ سنیچروار کے بعد دوپہر سے ہی ابر آلود موسم کے ساتھ درمیانی رات کو موسلاد ار بارشیں ہوئی ۔
با رشوں کے بعد درجہ حرارت معمول سے نیچے درج ہوا ہے جس کے نتیجے میں گرمی کی شدید لہر سے لوگوں کو راحت نصیب ہوئی ۔وادی کے کچھ حصوں میں بارشیں ہوئی جس سے جہاں شبانہ درجہ حرارت معمول سے اوپر ہی ریکارڈ کیا گیا تاہم دن کی گرمی میںبھی کافی کمی آئی ۔وادی میں بارشوں اور بارشوں کی پیشگوئی کے باوجود شبانہ درجہ حرارت معمول سے زیادہ درج ہو رہا ہے۔
محکمہ موسمیات کے ترجمان نے ا سکی تصدیق کرتے ہوئے بتایا کہ وادی کشمیر اور جموں کے بیشتر حصوں میں موسلادار بارشیں ہوئی جس کے بعد دن کے ساتھ ساتھ رات کے درجہ حرارت میں بھی کمی آئی ۔ انہوں نے کہا کہ درجہ حرارت میں کمی آنے کے بیچ آئندہ کچھ دنوں تک موسم مجموعی طور پر ابر آلود رہنے کے ساتھ ساتھ بارشوں کا بھی امکان ہے ۔ محکمہ موسمیات نے تازہ پیشگوئی کرتے ہوئے بتایا کہ جموں و کشمیر کے بیشتر مقامات پر عام طور پر ابر آلود ہے۔انہوں نے کہا کہ 13جولائی تک جموں کے بہت سے مقامات پر وقفے وقفے سے ہلکی سے درمیانی بارش کے ساتھ ساتھ عام طور پر ابر آلود موسم رہنے کا امکان ہے ۔ انہوں نے کہا کہ جمو خطہ کے کچھ مقامات پر خاص طور پر دیر رات اور صبح کے اوقات میں موسلادھار بارش ہو سکتی ہے۔
Comments are closed.