کشمیر یونیورسٹی نے اپنے مین کیمپس اور تمام آف سائٹ کیمپس کے تدریسی شعبوں کے لیے 10 روزہ گرمیوں کی تعطیلات کا اعلان کیا ہے۔ اس سلسلے میں ڈین اکیڈمک افیئرز کے دفتر کی جانب سے جاری نوٹیفکیشن کے مطابق تعطیلات 24 جولائی 2026 سے 2 اگست 2026 تک جاری رہیں گی۔
نوٹیفکیشن کے مطابق یہ تعطیلات جامعہ کے تمام تدریسی شعبوں، آف سائٹ کیمپسز اور متعلقہ مراکز پر لاگو ہوں گی۔ تاہم یونیورسٹی انتظامیہ نے واضح کیا ہے کہ تعطیلات کے دوران بھی شعبہ جات کے سربراہان، ڈائریکٹرز اور کوآرڈینیٹرز اس بات کو یقینی بنائیں گے کہ ان کے دفاتر معمول کے مطابق کام کرتے رہیں تاکہ طلبہ اور دیگر متعلقہ امور میں کسی قسم کی رکاوٹ پیدا نہ ہو۔
جامعہ انتظامیہ نے مزید کہا ہے کہ تعطیلات کے باوجود اگر اس عرصے میں کسی امتحان یا دیگر تعلیمی و انتظامی سرگرمیوں کا شیڈول پہلے سے طے شدہ ہے تو وہ حسبِ پروگرام جاری رہیں گی اور ان میں کسی قسم کی تبدیلی یا تعطل نہیں ہوگا۔
Comments are closed.