سرینگر میں جموں کشمیر یونائیٹڈ پیپلز الائنس کی ”دل سے دل تک“ کانفرنس، امن اور مصالحت کے ویژن کا اعلان

جموں کشمیر یونائیٹڈ پیپلز الائنس کے زیر اہتمام تاریخی امر سنگھ کلب سرینگر میں ”ہارٹ ٹو ہارٹ دل سے دل تک“ کانفرنس کا انعقاد کیا گیا، جس میں سول سوسائٹی، مذہبی رہنماو¿ں، دانشوروں، سماجی کارکنوں، نوجوان نمائندوں، ماہرین تعلیم، سابق سرکاری افسران، قانونی ماہرین اور کاروباری شخصیات سمیت مختلف طبقوں کے تقریباً سو مندوبین نے شرکت کی۔

کانفرنس میں کشمیر، جموں اور دہلی سے تعلق رکھنے والے کشمیری پنڈت رہنماو¿ں کے علاوہ سکھ، عیسائی اور مسلم برادریوں کے نمائندوں نے بھی شرکت کی۔ مقررین نے جموں و کشمیر کی صدیوں پر محیط مشترکہ تہذیب، رواداری اور باہمی احترام کی روایت کو برقرار رکھنے کی ضرورت پر زور دیا۔

اس موقع پر خطاب کرتے ہوئے سید سلیم گیلانی نے کہا کہ ”دل سے دل تک“ جیسے اقدامات مختلف طبقات کے درمیان فاصلے کم کرنے اور اعتماد سازی میں اہم کردار ادا کرتے ہیں۔ انہوں نے کہا کہ مکالمہ، مفاہمت اور باہمی احترام ہی پائیدار امن اور خوشحالی کی بنیاد ہیں۔

سینئر ایڈووکیٹ اشوک بھان نے 1980 کی دہائی کے بعد ہونے والی انسانی حقوق کی خلاف ورزیوں کے جائزے کے لیے ایک غیر جانبدار اور وقت مقررہ ”ٹروتھ اینڈ ریکنسلی ایشن کمیشن“ کے قیام کی وکالت کی۔ انہوں نے کشمیری پنڈتوں کی سال 1990میں ہوئی نقل مکانی کو ایک بڑا انسانی المیہ قرار دیتے ہوئے ان کی محفوظ، باوقار اور مستقل واپسی کے لیے جامع حکومتی منصوبہ بنانے کا مطالبہ کیا۔

سینئر سیاسی رہنما مظفر شاہ نے کانفرنس کو جموں، کشمیر اور لداخ کے عوام کے درمیان اعتماد اور ہم آہنگی کو فروغ دینے کی ایک اہم سول سوسائٹی کوشش قرار دیا۔ انہوں نے کہا کہ مختلف خطوں اور برادریوں کے درمیان تعاون اور مکالمہ وقت کی اہم ضرورت ہے۔

کانفرنس میں کشمیری پنڈتوں کی باعزت واپسی اور بازآبادکاری کو خصوصی اہمیت دی گئی۔ مقررین نے کہا کہ یہ صرف سیاسی یا انتظامی مسئلہ نہیں بلکہ ایک انسانی اور تہذیبی ذمہ داری ہے، جس کے لیے تمام طبقات کو اعتماد اور ہم آہنگی کی فضا قائم کرنی ہوگی۔

شرکاءنے وادی میں بڑھتی ہوئی منشیات کی لعنت پر بھی تشویش کا اظہار کیا اور نوجوان نسل کو اس خطرے سے بچانے کے لیے مشترکہ اقدامات پر زور دیا۔و¿