لیفٹنٹ گورنر کا سانبہ میں وائبرنٹ بارڈر ولیج ریگل کا دورہ؛ ترقیاتی منصوبوں کا سنگ بنیاد رکھا

لیفٹنٹ گورنر منوج سنہا نے سانبہ ضلع کے سرحدی گاوں ریگل کے دورے کے دوران ایک عوامی ریلی سے خطاب کیا اور کئی ترقیاتی منصوبوں کا آغاز اور سنگ بنیاد رکھا۔ان میں گورنمنٹ پرائمری سکول ریگل میں ڈیجیٹل لائبریری کا قیام، ریگل میں کمیونٹی ہال کم ریکریشن سنٹر کی تعمیر، ریگل میں امرت سروور کی ڈیولپمنٹ کے ساتھ ساتھ ڈرینج چینل، 03 اوپن جیمز کی تنصیب اور سولر سٹریٹ لائٹس کی تنصیب شامل ہیں۔

اپنے خطاب میں لیفٹنٹ گورنر سنہا نے اس بات کا اعادہ کیا کہ انتظامیہ سرحدی بستیوں کو نظر انداز کر کے قومی ترقی کی صف میں کھڑا کرنے کے لیے پرعزم ہے۔

انہوں نے کہا ” ہم ہر سرحدی گاو¿ں کے خاندان کے وقار کی حفاظت کے لیے پرعزم ہیں، اس بات کو یقینی بناتے ہوئے کہ جن لوگوں کو سب سے زیادہ نظر انداز کیا گیا ہے، انہیں اب جموں کشمیر کی ترقی کے نئے دور میں سب سے زیادہ ترجیح دی جائے۔ “ لیفٹنٹ گورنر نے اس بات پر روشنی ڈالی کہ حکومت ہند وائبرنٹ ولیج پروگرام کے تحت ایک جامع حکمت عملی پر عمل پیرا ہے، جس کا مقصد روزی روٹی پیدا کرنے، انفراسٹرکچر اور کنیکٹیویٹی پر توجہ مرکوز کرتے ہوئے سرحدی آبادیوں کو قومی دھارے میں شامل کرنا ہے۔