عبداللہ خاندان نے دہائیوں تک خواتین کے حقوق کو دفعہ 370 کے تحت پابند سلاسل رکھا/ چھگ

بی جے پی کے قومی جنرل سیکرٹری اور جموں و کشمیر اور لداخ ترون چھگ نے نیشنل کانفرنس اور عمر عبداللہ پر سخت حملہ کرتے ہوئے مطالبہ کیا کہ وہ ناری شکتی وندن ادھینیم کے تحت خواتین کے لیے 33 فیصد ریزرویشن پر اپنا موقف واضح طور پر بیان کریں۔ چھگ نے کہا کہ عمر عبداللہ کو مبہم بیانات دینے کے بجائے ملک کی خواتین کو بتانا چاہیے کہ آیا ان کی پارٹی اس تاریخی قانون کی حمایت کرتی ہے یا اس کی مخالفت کرتی ہے۔

چھگ نے کہا کہ وزیر اعظم نریندر مودی کی قیادت میں خواتین کو سیاسی بااختیار بنانے کے لیے ایک تاریخی قدم اٹھایا گیا ہے، لیکن نیشنل کانفرنس کا مبہم موقف اس کے اصلی ارادے کو بے نقاب کرتا ہے۔ انہوں نے کہا کہ یہ بدقسمتی کی بات ہے کہ جب قوم آگے بڑھ رہی ہے، بعض سیاسی جماعتیں خواتین کے حقوق کو سیاسی سودے بازی کا معاملہ سمجھتی رہیں۔

عبداللہ خاندان کی وراثت پر سوال اٹھاتے ہوئے چھگ نے کہا کہ آزادی کے بعد 70 سال سے زیادہ عرصے تک جموں و کشمیر میں خواتین کے حقوق دفعہ 370 اور 35A کے تحت محدود تھے۔