وزیر اعلیٰ عمر عبداللہ نے مٹھی میں نئے رہائشی بلاک کا اِفتتاح کیا

جموں/14نومبر

وزیر اعلیٰ عمر عبد اللہ نے آج مٹھی میںرہائشی فلیٹوں کے ایک نئے تعمیر شدہ بلاک کا اِفتتاح کیاجو اَپنے ملازمین کے لئے حکومت کے ہاو¿سنگ بنیاد ی ڈھانچے کو مضبوط بنانے کی جانب ایک اہم قدم ہے۔

اِس موقعہ پر وزیر اعلیٰ نے رسمی طور پر رِبن کاٹ کر اس سہولیت کا باقاعدہ اِفتتاح کیا۔
اِس موقعہ پر نائب وزیر اعلیٰ سریندر کمار چودھری ،وزیر اعلیٰ کے مشیر ناصر اسلم وانی، وزیر اعلیٰ کے ایڈیشنل چیف سیکرٹری دھیرج گپتا، ڈائریکٹر جنرل اسٹیٹس طارق حسین گنائی، ڈِپٹی ڈائریکٹر اسٹیٹس جموں ڈاکٹر وِکاس شرما اور دیگر سینئر اَفسران بھی موجود تھے۔
مٹھی کا نیا بلاک گراو¿نڈ پلس6 منزلوں کے ڈھانچے کے طور پر بنائے گئے ایک کمرے والے 28 رہائشی فلیٹوں پر مشتمل ہے۔ ہر کمپیکٹ یونٹ میںایک بیڈروم، لابی،لیونگ ائیریا، کچن اور واش روم شامل ہیںجو لاگت کی کفایت اور زیادہ سے زیادہ جگہ کے اِستعمال کو یقینی بناتے ہوئے ملازمین کی رہائشی ضروریات کو موثر طریقے سے پورا کرنے کے لئے ڈیزائن کیا گیا ہے۔

وزیر اعلیٰ نے مختلف فلیٹوں کا معائینہ کیا، ان کی خوبصورتی کی سراہنا کی اور تعمیر میں جگہ کے موثر اِستعمال پر اطمینان کا اِظہار کیا۔ اُنہوں نے اُمید ظاہر کی کہ یہ منصوبہ سرکاری ملازمین کی رہائش کی ضروریات کو پورا کرنے میں مددگار ثابت ہوگا۔
بریفنگ کے دوران ڈی جی اسٹیٹس طارق حسین گنائی نے وزیر اعلیٰ کو بتایا کہ اِس منصوبے کو فنکشنل ڈیزائن، سٹرکچرل سیفٹی اور افورڈیبلٹی پر بھرپور توجہ دیتے ہوئے عمل میں لایا گیا ہے۔ اُنہوں نے مزید کہا کہ محکمہ پرانی رہائشی کالونیوں کو مرحلہ وار جدید بنانے کے لئے ایک جامع منصوبہ بندی کر رہا ہے۔

ڈپٹی ڈائریکٹر اسٹیٹس جموں ڈاکٹر وِکاس شرما نے وزیر اعلیٰ کو لے آوٹ، سہولیات اور موجودہ نگرانی کے طریقہ کار کے بارے میں بریف کیا تاکہ معیار کی ضمانت اور مستقبل کے ہاوسنگ یونٹوںکی بروقت تکمیل یقینی بنائی جا سکے۔