وزیر اعظم کا جموں و کشمیر کو دسویں عالمی یوگا ڈے کی تقریبات کی قیادت کرنے کا موقع فراہم پر مشکور ہوں: منوج سنہا

سری نگر، 21 جون

جموں و کشمیر کے لیفٹیننٹ گورنر منوج سنہا نے وزیر اعظم نریندر مودی کا جموں و کشمیر کو دسویں عالمی یوگا ڈے کی تقریبات کی قیادت کرنے کا موقع فراہم پر شکریہ ادا کیا ہے۔

انہوں نے کہا کہ اس تاریخی ایونٹ سے جموں وکشمیر عالمی نقشے پر نمودار ہوا ہے۔

بتادیں کہ وزیر اعظم نریندر مودی نے جمعہ کی صبح جھیل ڈل کے کناروں پر واقع شیر کشمیر انٹرنیشنل کانفرنس سینٹر میں یوگا کے دسویں عالمی دن کی قیادت کی۔

منوج سنہا نے اس سلسلے میں ‘ایکس’ پر ایک پوسٹ میں کہا: ‘عزت مآب وزیر اعظم نریندر مودی جی نے سری نگر میں ہزاروں یوگا شائقین کے ساتھ یوگا کیا’۔

انہوں نے کہا: ‘میں وزیر اعظم کا شکر گذار ہوں کہ انہوں نے جموں و کشمیر کو عالمی یوگا ڈے کی تقریبات کی قیادت کرنے کا موقع فراہم کیا’۔

ان کا کہنا تھا کہ اس تاریخی ایونٹ سے جموں وکشمیر عالمی نقشے پر نمودار ہوا ہے۔