شوال کا چاند نظر آگیا، جموں و کشمیر میں کل عید منائی جائے گی/مفتی ناصر الاسلام

سرینگر /09اپریل

جموں کشمیر کے مفتی اعظم مفتی ناصر الاسلام نے اعلان کیا ہے کہ جموں و کشمیر میں شوال کا چاند نظر آگیا ہے، اس لیے عید الفطر بدھ کو منائی جائے گی

مقامی خبر رساں ایجنسی کے ساتھ بات کرتے ہوئے انہوں نے کہا کہ جموں و کشمیر کے مختلف حصوں سے چاند نظر آنے کے حوالے سے کافی شواہد موصول ہوئے ہیں۔

انہوں نے کہا کہ ان کی کی سربراہی میں میرواعظ عمر فاروق، مولانا رحمت اللہ قاسمی، مولانا عبداللطیف الکندی، غلام رسول حامی اور جموں و چناب وادی کے علمائے کرام پر مشتمل مشاورتی کمیٹی نے یہ نتیجہ اخذ کیا ہے کہ عیدالفطر کل منائی جائے گی۔

انہوں نے امت مسلمہ بالخصوص جموں و کشمیر کے عوام کو عید کی مبارکباد بھی دی۔