سوپور میں قتل کیس کا معاملہ پولیس نے کیا حل ، دو ملزم گرفتار ، تحقیقات جاری / ایس ایس پی

سوپور / 22مارچ / جنید شفق

پولیس نے سوپور میں قتل کیس کے معاملے کو حل کرتے ہوئے دو افراد کی گرفتاری عمل میں لائی ۔

اس سلسلے میں سوپور پولیس کی سپرنٹنڈنٹ دیویا ڈی نے ایک پریس کانفرنس سے خطاب کرتے ہوئے کہا کہ 19 مارچ کو پولیس چوکی وارپورہ کو منظور احمد میر نامی ایک شخص کے گھر والوں کی طرف سے گمشدگی کی شکایت موصول ہوئی تھی، جس کے بعد تحقیقات شروع کی گئی۔

انہوں نے کہا کہ تفتیش کے دوران پولیس نے دو مشتبہ افراد کو پوچھ تاچھ کیلئے گرفتار کیا جنہوں نے پوچھ گچھ کے بعد اعتراف جرم کر لیا۔ انہوں نے کہا کہ ان کے اعتراف کے بعد مشتاق کی لاش آبائی گاو¿ں دورو میں ایک باغ سے برآمد ہوئی۔

ملزمان کی شناخت عبید الطاف شاہ ولد محمد الطاف شاہ اور طفیل احمد حجام ولد محمد اکبر حجام کے نام سے ہوئی ہے جو دونوں پیر محلہ دورو کے رہائشی ہیں۔

ایس پی کا کہنا تھا کہ ملزم اور مقتول ایک دوسرے کو جانتے تھے تاہم وقت گزرنے کے ساتھ ساتھ ان میں ذاتی دشمنی بڑھ گئی اور مقتول کو قتل کر دیا۔

ایس پی نے کہا،”جرائم میں استعمال ہونے والا ہتھیار ضبط کر لیا گیا ہے، جبکہ مزید تفتیش جاری ہے“۔

انہوں نے یہ بھی یقین دلایا کہ انصاف فراہم کیا جائے گا اور ملزمان کو سخت سزا دی جائے گی۔