سرینگر /07مارچ / ٹی آئی نیوز
ریجنل پاسپورٹ آفس سرینگر کی جانب سے 12 سے 14 مارچ تک کشمیر اور لداخ صوبے کیلئے ایک خصوصی پاسپورٹ عدالت کا انعقاد کیا جا رہا ہے ۔
تفصیلات کے مطابق ریجنل پاسپورٹ آفیسر سرینگر کی جانب سے جاری کردہ ایک نوٹیفکیشن کے مطابق موثر اور شہریوں پر مبنی خدمات فراہم کی فراہمی اور پاسپورٹ کی اجرائی عمل میں شفافیت کو یقینی بنایا بنانے کے عزم کو لیکر ایک خصوصی پاسپورٹ عدالت کا انعقاد ہو رہا ہے ۔
بیان میں کہا گیا ہے کہ یہ تقریب شہریوں کیلئے مختلف خدشات کو دور کرنے کے لیے ایک پلیٹ فارم کے طور پر کام کرے گی جس میں پاسپورٹ کی درخواستوں میں تاخیر، تصدیق کے مسائل اور پاسپورٹ خدمات سے متعلق دیگر سوالات شامل ہیں۔عدالت کے دوران پاسپورٹ آفس سرینگر آنے والے درخواست دہندگان سے درخواست کی جاتی ہے کہ وہ مذکورہ تاریخوں پر تمام مطلوبہ اصل دستاویزات اور ان کی فوٹو کاپیاں اپنے ساتھ لائیں۔
درخواست دہندگان ذاتی طور پر حاضر ہوسکتے ہیں اور مذکورہ تاریخوں پر صبح 10بجے سے شام 4کے درمیان اپنے مقدمات کی نمائندگی کرسکتے ہیں۔بیان میں مزید کہا گیا کہ صرف ان درخواست دہندگان، جنہوں نے 31 دسمبر 2023 تک پاسپورٹ کی درخواستیں جمع کرائی ہیں، ان سے درخواست کی جاتی ہے کہ وہ اس عدالت میں شرکت کریں۔
Comments are closed.