اودھمپور/رام بن / /10 دسمبر
چیف سیکرٹری اَتل ڈولو نے آج جموں۔ سری نگر قومی شاہراہ کی سڑک کی حالت کا موقعہ پر جائزہ لیا اور اودھمپور اور رام بن اَضلاع میں کچھ اہم پروجیکٹ سائٹوں کا دورہ کیا۔
اُنہوں نے رام بن میں نیشنل ہائی وے ۔44 اور ضلع میں زیر عمل دیگر اہم بنیادی ڈھانچے کی رفتار اور پیش رفت کا جائزہ لیا۔
اَتل ڈولونے چندرکوٹ میں ایک اہم میٹنگ منعقد کی جس میں صوبائی کمشنر جموں رمیش کمار ، ڈی آئی جی ڈی کے آر رینج ڈاکٹر سنیل گپتا، ضلع ترقیاتی کمشنر رام بن بصیر الحق چودھری، ایس ایس پی رام بن موہتا شرما، ایس ایس پی ٹریفک روہت باسکوترا دیگر سیکٹورل اَفسران کے علاوہ اہم پروجیکٹ ڈائریکٹروںنے شرکت کی۔
میٹنگ کے بعد چیف سکریٹری نے نیشنل ہائی وے پر چیلنجنگ مقامات جیسے دلواس اور رام بن علاقے کے دیگر مقامات کامعائینہ کیا۔
ضلع ترقیاتی کمشنر رام بن بصیر الحق چودھری نے قومی شاہراہ کی صورتحال کے بارے میں تفصیلی معلومات فراہم کیں جس میں ناشری۔نویُگ ٹنل کے درمیان 66 کلومیٹر طویل حصے پر توجہ مرکوز کی گئی۔ چیف سیکرٹری کو مختلف ٹنلوں کی تکمیل کی تاریخوں سے آگاہ کیا گیا اور ضلع اِنتظامیہ کی طرف سے این ایچ اے آئی کو فراہم کئے گئے تعاون کے بارے میں تازہ ترین معلومات حاصل کی گئیں۔
ضلع ترقیاتی کمشنررام بن نے ضلع میں ریلوے لائن کی جلد تکمیل پر بھی روشنی ڈالی اور چیف سیکرٹری کو ساولا کوٹ ہائیڈرو الیکٹرک پروجیکٹ کے بارے میں جانکاری دی گئی۔
چیف سیکرٹری کو سماجی اشارے پر توجہ مرکوز کرتے ہوئے رام بن ضلع میں بچیوں کی تعلیم کو بڑھانے کی کوششوں کے بارے میں بتایا گیا۔ نوجوانوں اور خواتین کی جاری’وِکست بھارت سنکلپ یاترا‘ میںکافی شرکت ہے۔ اُنہیں یقین دِلایا گیا کہ ضلع اِنتظامیہ رام بن کی ٹیم کا مقصد دسمبر 2025 ءتک ضلع میں تمام مرکزی معاونت والی سکیموں کو مکمل کرنا ہ
چیف سیکرٹری نے روڈ سیفٹی خدشات کو دور کرنے کے بارے میں ایس ایس پی ٹریفک رام بن
کو نگرانی کو تیز کرنے کی ہدایت دی اور بار بار ٹریفک کی خلاف ورزی کرنے والوں کے خلاف زیرو ٹالرنس کا مظاہرہ کرنے پر زور دیا۔ مزید برآں، اُنہوں نے نیشنل ہائی وے پروجیکٹ ڈائریکٹر پر زور دیا کہ وہ پیک سیزن کے دوران ٹریفک کی رُکاوٹوں کا سبب بننے والے اہم مقامات پر توجہ مرکوز کریں۔
اُنہوں نے منشیات کی لت سے نمٹنے کی ضرورت پر زور دیتے ہوئے ایس ایس پی رام بن کو ہدایت دی کہ وہ اس طرح غیر قانونی تجارت پر کڑی نظر رکھیں تاکہ اس پر مو¿ثر قابو پایا جاسکے۔
اِس سے قبل چیف سیکرٹری نے ضلع اودھمپور کا تفصیلی دورہ کیا جس میںہولی دیویکا روَرپر جاری کاموں اور یہاں گورنمنٹ میڈیکل کالج کی تعمیر پر توجہ مرکوز کی گئی۔
اُ نہوںنے دیویکا گھاٹ اور دیویکا پروجیکٹ کا مکمل طور پر معائینہ کیا اور آپریشنل سیوریج ٹریٹمنٹ پلانٹ۔II اور دیویکا گھاٹ کی خوبصورتی سائٹ کا دورہ کیا۔
چیف سیکرٹری نے گورنمنٹ میڈیکل کالج اور ایسوسی ایٹیڈ ہسپتال کے مختلف حصوں کا معائینہ بھی کیا۔ اُنہوں نے کی جانے والی حالیہ خصوصی سرجریوںاور ہسپتال میں موجود عملے کی پوزیشن کا بھی جائزہ لیا۔
چیف سیکرٹری نے صوبائی کمشنر جموں رمیش کمار اورضلع ترقیاتی کمشنر اودھمپور محترمہ سلونی رائے کے ہمراہ 200 بستروں والے ٹیچنگ ڈسٹرکٹ ہسپتال جی ایم سی ادھم پور کی عارضی عمارت کی تعمیراتی مقامات کا دورہ کیا۔
اَتل ڈولو نے اپنے دورے کے دوران پرنسپل جی ایم سی اودھمپور کو معیاری خدمات کو یقینی بنانے، ریفرل معاملات کو کم کرنے اور یہاں زیر تربیت طلبا¿ کے لئے سازگار ماحول پیدا کرنے کی ہدایت دی۔
چیف سیکرٹری نے میڈیکل کالج کے ایسوسی ایٹیڈ ہسپتال میں اَدویات، تشخیص اور سہولیات کی دستیابی کے بارے میں معلومات حاصل کیں۔ اُنہوں نے کلاس روموں اور لیبارٹریوں سمیت مختلف حصوں کا معائینہ کیا تاکہ وہاں فراہم کی جانے والی سہولیات کا جائزہ لیا جاسکے۔ وہاں فراہم کی جانے والی سہولیات کا جائزہ لینے کے لیے کلاس رومز اور لیبز سمیت مختلف حصوں کا معائنہ کیا۔اُنہوںے عملے سے بات چیت کرتے ہوئے لیبارٹری ٹیسٹ، طریقہ کار، سی ٹی سکین کے آلات کی دستیابی اور ہسپتال میں کئے گئے سرجیکل طریقہ کار کے بارے میں جانکاری حاصل کی۔
Comments are closed.