جموں،15نومبر
لیفٹیننٹ گورنر منوج سنہا نے ضلع ڈوڈہ کے عسر علاقے میں بدھ کی صبح پیش آئے بھیانک سڑک حادثے پر گہرے رنج و غم کا اظہار کیا ہے۔انہوں نے صوبائی کمشنر اور ضلع انتظامیہ کو متاثرین کو تمام تر ضروری امداد فراہم کرنے کی ہدایت دی۔
موصوف لیفٹیننٹ گورنر نے ‘ایکس’ پر اپنے ایک پوسٹ کے ذریعے اظہار افسوس کرتے ہوئے کہا: ‘عسر ڈوڈہ میں ایک المناک سڑک حادثے میں انسانی جانوں کے زیاں پر انتہائی دکھ ہوا میں سوگوار خاندانوں کو تعزیت کرتا ہوں اور زخمیوں کی جلد صحتیابی کے لئے دست بدعا ہوں’۔انہوں نے کہا کہ صوبائی کمشنر اور ضلع انتظامیہ کو متاثرین کو تمام تر ضروری امداد فراہم کرنے کی ہدایت دی۔یو این آئی
Comments are closed.