ملکی سالمیت کیلئے خطرہ بننے والوں کیخلاف سخت کارروائی ہو گی ،کون کیا کہتا ہے اس سے کوئی فرق نہیں پڑتا / منوج سنہا

جموں /20اگست

لیفٹنٹ گورنر منوج سنہا نے اتوار کو کہا کہ اس سے کوئی فرق نہیں پڑتا ہے کہ کون کیا کہے، ہندوستانی آئین یوٹی انتظامیہ کو ان لوگوں کے خلاف سخت کارروائی کرنے کی اجازت دیتا ہے جو قومی سالمیت کو خطرہ ہیں اور جنہوں نے دہشت گردی کی حمایت کی ہے

جموں سے گرین جموں و کشمیر مہم شروع کرنے کے موقع پر صحافیوں سے بات کرتے ہوئے لیفٹنٹ گورنر منوج سنہا نے کہا کہ اس سے کوئی فرق نہیں پڑتا کہ کون کیا کہتا ہے۔ ہندوستانی آئین میں اس کے معماروں جیسے بی آر امبیڈکر اور دیگر کے ذریعہ رکھی گئی ایک شق ہے جس میں کہا گیا ہے کہ ”ان لوگوں کے خلاف سختی سے کام لیں جو ریاست / ملک کی سالمیت اور خودمختاری کو خطرہ بناتے ہیں“۔

انہوں نے کہا کہ جموں و کشمیر انتظامیہ نے ان لوگوں کے خلاف سخت کارروائی کرنے کا فیصلہ کیا ہے جنہوں نے دہشت گردی، اس کے ماحولیاتی نظام کی حمایت کی ہے اور غیر قانونی طریقوں سے سرکاری ملازمتوں کا لطف اٹھایا ہے۔ لہذا اس سے کوئی فرق نہیں پڑتا کہ کون کیا کہتا ہے