کنی کدل سرینگر میں جعلی ڈاکٹر گرفتار ، کلنک بھی سربمہر / پولیس

سرینگر /26جون

جموں کشمیر پولیس نے سرینگر کے کنی کدل علاقے سے ایک جعلی ڈاکٹر کو گرفتار کرکے اس کا کلنک بھی سر بمہر کر دیا ہے

سرینگر پولیس نے ایک ٹویٹ کرتے ہوئے لکھا ” ایس ایچ او شہید گنج بشارت علی اور زونل میڈیکل آفیسر ڈاکٹر شفقت کی قیادت اور تحصیلدار معین اظہر کی موجودگی میں سرینگر کے کنی کدل علاقے میں بغیر لائسنس کے دانتوں کے ڈاکٹر کو مبینہ طور پر ایک نجی کلینک میں "پریکٹس” کرنے کے الزام میں گرفتار کیا گیا جبکہ ساتھ ہی وہاں قائم شدہ کلینک کو بھی سربمہر کر دیا گیا۔ “

پولیس نے مزید کہا کہ اس سلسلے میں ایف آئی آر نمبر 50/2023سیکشن 420 کے تحت کیس درج کرکے مزید تحقیقات شروع کر دی گئی ہے۔