نریندرمودی کی دوراندیش قیادت میں ہم جموں وکشمیر کو غیرمعمولی شاہراہوں کے بنیادی ڈھانچے فراہم کرنے کے ساتھ اپنے عزم پرثابت قدم ہیں: گڈکری

نئی دہلی، 08 جون

سڑک ٹرانسپورٹ اورشاہراہوں کے مرکزی وزیر نتن گڈکری نے کہاکہ جموں وکشمیر میں این ایچ -44کے اودھم پور-رام بن سیکشن پر واقع دریائے چناب میں دولین والے جیسوال برج کی تعمیر کاکا م مکمل ہوگیاہے۔
ایک سلسلے وارٹوئیٹ میں وزیرموصوف نے کہاکہ یہ شاندار ڈیزائن کیاگیا بیلنس کینٹی لیور پل 118میٹرپرمحیط ہے اوراسے 20کروڑکی لاگت سے تیارکیاگیاہے۔

گڈکری نے کہاکہ اس پل کے بننے سے دو مقاصد پورے ہونگے۔ پہلا ، چندرکوٹ سے رام بن سیکشن پر بھیڑبھاڑ کم ہوگی اور اس سے بلارکاوٹ گاڑیوں کی نقل وحرکت کو یقینی بنانے میں مدد ملے گی۔

دوسرا ، اس سے جموں –سری نگرقومی شاہراہ -44پر شری امرناتھ یاتراکے دوران گاڑیوں اورعقیدت مندوں کی بلارکاوٹ ا?مدورفت کی سہولت حاصل ہوگی ، جس کی شروعات جلد ہونے والی ہے۔گڈکری نے کہاکہ وزیراعظم نریندرمودی کی دوراندیش قیادت میں ہم جموں وکشمیر کو غیرمعمولی شاہراہوں کے بنیادی ڈھانچے فراہم کرنے کے ساتھ اپنے عزم پرثابت قدم ہیں۔

انھوں نے کہاکہ یہ انقلابی ترقی نہ صرف خطے کے اقتصادی ترقی میں اہم کرداراداکرتی ہے بلکہ ایک اہم سیاحتی مقام کے طورپر اس کی طرف رغبت کو بڑھاتی ہے۔