لیفٹیننٹ گورنر کا سرینگر میں عالمی یوم ماحولیات کی تقریب سے خطاب

سری نگر/05جون

لیفٹیننٹ گورنر منوج سِنہا نے آج سری نگر میں محکمہ جنگلات و ماحولیات کے زیر اہتمام عالمی یوم ماحولیات کی تقریب سے خطاب کیا ۔

لیفٹیننٹ گورنر نے ماحولیات اور قدرتی وسائل کے تحفظ اوردیرپا ترقی کیلئے جموںوکشمیر یو ٹی اِنتظامیہ کے عزم کا اعادہ کیا ۔
اُنہوں گورنر نے کہا ” اِنسانیت کو آج پلاسٹک کی آلودگی کے سنگین چیلنجوں کا سامنا ہے ۔ اس برس ماحولیات کے دن پر ہمارا ریزولیوشن ’ پلاسٹک کی آلودگی سے بچاو¿ ‘ ہے ۔ اَب یہ پورے سماج کی ذمہ داری ہے کہ وہ جن بھاگیداری کے جذبے سے اس قرار داد کو پایہ¿ تکمیل تک پہنچائے ۔ “

لیفٹیننٹ گورنر نے کہا کہ ہم نیچرکے بغیر نہیں رہ سکتے ۔ یہ دِن ہمیں اَپنے اعمال کو تیز کرنے اور طرزِ زندگی میں طرز عمل میں تبدیلی لانے کی یاد دِلاتا ہے ۔ ہمارے جنگلات ، دریاو¿ں اور جھیلوں ، پہاڑوں ، گھاس کے میدانوں ، کھیتوں اور شہری مناظر کو پلاسٹک کی آلودگی سے پاک کرنا تمام شراکت داروں کی ترجیح ہونی چاہیئے۔

اُنہوں نے کہا کہ یہ دہائی تباہ کُن موسمیاتی تبدیلیوں کو روکنے اور حیاتیاطی تنوع کے نقصان کو کم کرنے میں سب سے زیادہ اہمیت رکھتی ہے ۔اُنہوں نے کہا کہ 2040 ءتک ہم صرف سرکلرٹی اکانومی کی حکمت عملی اپنا کر پلاسٹک کی آلودگی کو 20 فیصد تک کم کر سکیں گے ۔

لیفٹیننٹ گورنرنے کہا ” ہمیں پلاسٹک کی آلودگی کو کم کرنے کیلئے مربوط نقطہ نظر ، سرکلرٹی اکانومی ، دوبارہ اِستعمال ، ری سائیکل ، ری اورینٹ اور ڈائیورسیفائی پر عمل کرنے کی ضرورت ہے ۔ یہ وقت ہے کہ ہم ماحولیاتی تحفظ کیلئے مصنوعات کی دوبارہ ڈیزائن اور ری پیکجنگ کیلئے دیرپا متبادل مواد کی ترغیب دے کر فروغ دیں ۔ “

اُنہوں نے اس طرح کی تبدیلی سے روز گار کے مواقع پیدا کرنے کیلئے ایک طریقہ کار بنانے کی تجویز دی ۔
لیفٹیننٹ گورنر نے جموں کشمیر میں جی۔ 20 ٹورازم میٹ کے کامیاب انعقاد پر بات کرتے ہوئے کہا کہ اس تاریخی تقریب نے جموںوکشمیر یو ٹی کو بین الاقوامی سیاحتی نقشے میں جگہ دی ہے ۔

انہوں نے مزید کہا کہ ہمارے قدرتی ورثے کے برف پوش پہاڑوں ، شاندار چوٹیوں ، بھر پور جنگلات ، دلکش الپائن میڈوز ، پرسکون جھیلوں اور ندی نالوں کو موسمیاتی تبدیلی کے خطرات سے بچانے کی ضرورت ہے ۔