کپوارہ میں دارلعلوم کی عمارت خاکستر

سرینگر27 مئی

شمالی کشمیر کے ضلع کپوارہ کے چندی گام لولاب علاقے میں ہفتے کی صبح آگ کی ایک واردات میں ایک دارلعلوم کی عمارت کو نقصان پہنچا۔

ذرائع نے بتایا کہ کپوارہ کے چندی گام لولاب میں ہفتے کی صبح قریب 7 بجے ‘خیر الدرسین’ نامی ایک دارلعلوم کی عمارت میں آگ نمودار ہوئی۔انہوں نے کہا کہ گرچہ آگ کو جلد بجھانے کی کوشش کی گئی تاہم عمارت کو کافی حد تک نقصان پہنچا۔ان کا کہنا تھا کہ آگ سے دارلعلوم میں کتابوں کو نقصان پہنچا تاہم کسی جانی نقصان کی کوئی اطلاع نہیں ہے۔

دریں اثنا پولیس نے اس ضمن میں ایک کیس درج کرکے تحقیقات شروع کی ہیں۔پولیس کا کہنا ہے کہ آگ لگنے کی وجوہات معلوم کی جا رہی ہیں تاہم ابتدائی تحقیقات کے مطابق شارٹ سرکٹ اس واردات وجہ ہے۔یو این آئی