جموں و کشمیر میں پچھلے سال 15 ملین سے زیادہ درخت لگائے/لیفٹنٹ گورنر منوج سنہا

سرینگر/ 11 مئی

لیفٹنٹ گورنر منوج سنہا نے جمعرات کو کہا کہ جموں و کشمیر حکومت نے گزشتہ مالی سال میں مرکز کے زیر انتظام علاقے میں 15 ملین سے زیادہ درخت لگائے ہیں۔

کشمیر یونیورسٹی میں ہندوستان کی G20 صدارت میں موسمیاتی تبدیلی پر یوتھ 20 (Y20) مشاورتی اجلاس کے دوران خطاب کرتے ہوئے لیفٹنٹ گورنر منوج سنہا نے کہا کہ جموں و کشمیر نہ صرف برف پوش پہاڑوں کیلئے مشہور ہے بلکہ دانشورانہ صلاحیتوں کے لیے بھی مشہور ہے۔ .

انہوں نے کہا کہ ”صرف پچھلے مالی سال میں، ہم نے جموں و کشمیر میں 15 ملین سے زیادہ درخت لگائے ہیں۔ مجھے اس حقیقت پر فخر ہے کہ ہمارے قدرتی وسائل بڑھ رہے ہیں۔ پچھلے کچھ سالوں میں سبزہ زار بڑھ کر 55 فیصد ہو گیا ہے“۔

انہوں نے کہا کہ Y20 مشاورتی کانفرنس کا پیغام ماحولیات، ترقی اور مساوات، عالمی خوشحالی اور زندگی کے بہتر معیار کو یقینی بنانے کے لیے اجتماعی کوششوں پر عالمی شراکت داری میں ایک نئی توانائی کے حوصلہ افزا امکانات کا اشارہ ہے۔