راجوری جھڑپ : زخمی 3 فوجی اہلکار بھی دم توڑ بیٹھے ، ہلاکتوں کی تعداد 5تک پہنچ گئی

راجوری، 5 مئی

راجوری کے جنگلات میں جاری تصادم میں عسکریت پسندوں کے ایک گروپ کی طرف سے دھماکہ خیز مواد پھٹنے سے زخمی ہونے والے تین فوجی اہلکار زخموں کی تاب نہ لاتے ہوئے دم توڑ گئے، جس سے مرنے والوں کی تعداد پانچ ہو گئی

حکام نے بتایا کہ تین فوجی جو صبح کے وقت شدید زخمی ہوئے تھے بدقسمتی سے کمان ہسپتال ادھم پور میں زخموں کی تاب نہ لاتے ہوئے چل بسے۔ "تازہ ہلاکتوں کے ساتھ، تعداد پانچ تک پہنچ گئی ہے

انہوں نے مزید کہا کہ "فوج اور پولیس کے کئی سینئر افسر جاری آپریشن کی نگرانی کے لیے جائے وقوعہ پر موجود ہیں”۔