جموں کشمیر میں ملی ٹنسی ختم نہیں ہوئی لیکن کمی ہو رہی ہے / دلباغ سنگھ

سرینگر /06اپریل / ٹی آئی نیوز

جموں کشمیر پولیس سربراہ دلباغ سنگھ کا کہنا ہے کہ عسکریت پسندی ختم نہیں ہوئی ہے لیکن یقینی طور پر تیزی سے کم ہو رہی ہے
انہوں نے مزید کہا کہ سرینگر اور کشمیر کے دیگر علاقوں میں امن و امان کا کوئی مسئلہ نہیں ہے لیکن عید الفطر کی نماز کی اجازت دینے کے بارے میں حتمی فیصلہ صوبائی انتظامیہ ہی لے سکتی ہے ۔

موصوف نے ان باتوں کا اظہار بانڈی پورہ کے دورہ کے دوران سونہ واری میں میڈیا نمائندوں سے بات کرتے ہوئے کیا

دلباغ سنگھ نے کہا کہ دشمنوں کے ڈرون کے ذریعے نقدی، آئی ای ڈیز، ہتھیاروں اور منشیات کو ائیر ڈراپ کرنے کے عزائم کو ناکام بنانے میں بڑی کامیابی حاصل کی ہے۔
انہوںنے کہا ”اگرچہ سرگرمی اس سے کم ہے جو ہم ماضی میں دیکھ رہے ہیں لیکن ڈرون کے ذریعے ہتھیاروں کی ہوائی گراوٹ اب بھی کوپارہ، بارہمولہ، راجوری اور پونچھ کے علاقے میں ہوتی ہے۔ ہم نے بھاری مقدار میں ہتھیار، رقم اور منشیات ضبط کی ہیں اور اس طرح کی کوششوں کو مسلسل ناکام بنایا جا رہا ہے“۔ انہوں نے مزید کہا کہ جموں کشمیر کے دیگر حصوں اور یہاں تک کہ پنجاب میں منشیات کی سپلائی میں ملوث افراد کا سراغ لگایا جا رہا ہے اور ان کے خلاف سخت کارروائی کی جا رہی ہے۔