وادی کشمیر میں خوشگوار موسم کے چلتے محکمہ موسمیات نے نیا کلینڈر جاری کیا ؛ 22فروری سے موسمی صورتحال میں آئی گئی تبدیلی ، موسلادار بارشوں کا امکان

سرینگر/17فروری: وادی کشمیر میں خوشگوار موسم کے چلتے محکمہ موسمیات نے نیا کلینڈر جاری کرتے ہوئے 22فروری سے بارشوں کی پیشگوئی کی ہے ۔ ادھر دن بھر بہار جیسی دھوپ نکلنے کے باعث لوگوں نے راحت کی سانس لی ہے تاہم شبانہ درجہ حرارت ہنوز منفی میں ریکارڈ کیا گیا ۔ سی این آئی کے مطابق وادی کشمیر کے موسم میں گزشتہ کئی دنوں سے بہتری آئی اور دن بھر کھلی دھوپ نکلنے سے احساس بہار کے نتیجے میںلوگوں نے راحت کی سانس لی ۔ تاہم شبانہ درجہ حرارت میں کمی کا سلسلہ جاری ہے ۔ محکمہ موسمیات وادی میں اگلے ایک ہفتے کے دوران موسم مجموعی طور پر خشک رہ سکتا ہے اور دن اور رات کے درجہ حرارت میں بھی بتدیج بہتری واقع ہوگی۔ترجمان کے مطابق سرینگر میں بدھ کی رات کم سے کم درجہ حرارت منفی 1.2 ڈگری سینٹی گریڈ ریکارڈ کیا گیا۔ مشہور سیاحتی مقام گلمرگ میں کم سے کم درجہ حرارت منفی 3.8 ڈگری سینٹی گریڈ جبکہ دوسرے مشہور سیاحتی مقام پہلگام میں کم سے کم درجہ حرارت منفی 4.5 ڈگری سینٹی گریڈ ریکارڈ کیا گیا۔سرحدی ضلع کپوارہ میں کم سے کم درجہ حرارت منفی 3.2 ڈگری سینٹی گریڈ جبکہ قاضی گنڈ میں منفی 2.5 ڈگری سینٹی گریڈ اور کوکرناگ میں کم سے کم درجہ حرارت منفی 0.2 ڈگری سینٹی گریڈ ریکارڈ ہوا ہے۔وہیں جموں شہر میں کم سے کم درجہ حرارت 9.7، کٹرا میں 10.3 ، بٹوت میں 4.5، بانیہال میں 1.6 اور بھدرواہ میں 1.7 ڈگری سینٹی گریڈ ریکارڈ کیا گیا۔لداخ کے لیہہ قصبے میں کم سے کم درجہ حرارت منفی 10.1، کرگل میں منفی 12.7 ، دراس میں منفی 20.9 ڈگری سینٹی گریڈ ریکارڈ کیا گیا۔دریں اثنا وادی میں پیر کے روز بھی موسم خوشگوار رہا اور لوگوں کو خوش کن دھوپ سے لطف اندوز ہوتے ہوئے دیکھا گیا۔وادی میں موسم میں بہتری واقع ہونے کے ساتھ ہی سردیوں کی وجہ سے بند پڑے تعمیراتی کام بحال ہونے لگے ہیں اور لوگوں کا صبح کے وقت ہی گھروں سے نکلنے کا سلسلہ بھی دوبارہ شروع ہوگیا ہے۔ ادھر محکمہ موسمیات نے نیا موسمی کلینڈر جاری کرتے ہوئے آئندہ ہفتے سے بارشوں کی پیشگوئی کی ہے ۔ محکمہ موسمیات کے مطابق 22فروری سے موسمی صورتحال میںتبدیلی آئی گی اور پیر پنچال کے آر پار موسلادار بارشیں ہونگی جس کا سلسلہ کچھ دنوں تک جاری رہے گا ۔