پی سی آر کشمیر میں کوویڈ 19ویکسینیشن مہم کا آغاز؛ آئی جی پی کشمیر نے سنٹر کا افتتاح کیا ، رضاکارانہ طور پر ویکسین بھی لیا

سرینگر/04 فروری: کوویڈ 19 ویکسین نیشن مہم کے دوسرے مرحلے کے تحت ائی جی پی کشمیر وجئے کمار (آئی پی ایس) نے پی سی آر کشمیر میںکویڈ 19 ویکیس نیشن سنٹر کا افتتاع کر کے سب سے پہلے رضا کارانہ طور پر کویڈ 19 ویکسین لے لیا ۔ اس کے علاوہ اس کوویڈ ویکسی نیشن مہم میں ائی جی پی کشمیر کے علاوہ پولیس کے دیگر اعلی افسران نے بھی رضاکارانہ طور پرکوویڈ ویکسین لے لیا ۔سی این آئی کے مطابق ویکسی نیشن کے پہلے مرحلے میں ، ہیلتھ کے کارکنوں کواس ویکسی نیشن کا ویکسن حاصل ہوا ، جبکہ دوسرے مرحلے میں جموں و کشمیر پولیس کے اہلکاروں سمیت فرنٹ لائن کارکنان بھی شامل ہیں۔ ویکسی نیشن ڈرائیو کا افتتاح بیک وقت تمام ضلعی ہیڈ کوارٹرز میں متعلقہ ضلع ایس ایس پی کے ذریعہ کیا گیا ۔آئی جی پی کشمیر نے کوویڈ 19ویکسین کی اہمیت کو اجاگر کر کے ، تمام افسران و جوانوں کو مشورہ دیا کہ وہ کسی بھی طرح کی رکاوٹ کو ختم کریں، اور ویکسین سے فائدہ اٹھائیں۔ اس وبائی مرض کے دوران پولیس اہلکاروں کی کوششوں کی تعریف کرتے ہوئے انہوں نے کہا کہ اس بیماری کے خلاف ہمارے دفاع کو مضبوط بنانے کے لئے ویکسی نیشن مہم ایک فائدہ مند ہوگی اور ہمارے روزمرہ کی زندگی کے نظام کو دوبارہ شروع کرنے میں مدد فراہم کرے گی۔ انہوں نے محکمہ صحت کے عہدیداروں کو پولیس اہلکاروںکو ویکسین کی خوراک کے انتظام میں مدد کرنے پر شکریہ ادا کیا۔اسی طرح ، ضلع گاندربل ، بڈگام ، پلوامہ ، بارہمولہ ، کپواڑہ ، بانڈی پورہ وغیرہ میں بھی کوویڈ ویکسی نیشن سے بچاؤ کا ویکسن لگانے کی مہم شروع کردی گئی۔