ضلع ترقیاتی کونسلوں میں چیئرپرسن اور وائس چیئرپرسن کا انتخاب

سرینگر/02فروری: جموں کشمیر کے پانچ اضلاع میں ضلع ترقیاتی کونسل چیئرپرسن اور وائس چیئرپرسن کیلئے انتخابات ضلع ترقیاتی کمشنروں کی جانب سے نوٹیفیکیشن جاری کی گئی جن کے تحت 6فروری کو ڈی ڈی سی کونسلروں کا ایک اجلاس منعقد کیا جائے گا اور اس کے بعد ان اضلاع میں چیئرپرسن کا انتخاب عمل میں لایا جائے گا۔سی این آئی کے مطابق جموں کشمیر میں پہلی بار ضلع ترقیاتی کونسل انتخابات کے بعد اب ڈی ڈی سی چیئرپرسن اور وائس چیئرپرسن کے انتخاب کیلئے جموں کشمیر کے پانچ اضلاع میں 6فرور ی کو انتخابات منعقد ہونگے جن میں ان کی تعیناتی عمل میں لائی جائے گی ۔ اس سلسلے میں ضلع ترقیاتی کمشنروں کی جانب سے با ضابطہ طور پر نوٹیفکیشن جاری کر دی گئی ہے ۔ رواں ماہ کی 6 تاریخ کو ضلع ترقیاتی کونسلروں (ڈی ڈی سی) کے چیئرپرسن اور وائس چیئرپرسن کے انتخاب کے لئے نوٹس جاری کیا گیا ہے جن اضلاع میں پہلے مرحلے کے تحت ڈی ڈی سی چیئرپرسن کا انتخاب عمل میں لایا جائے گا ان میں جموں، کٹھوعہ، شوپیاں اور کولگام اور سرینگر شامل ہیں۔جموں صوبے کے دو جبکہ کشمیر کے تین اضلاع میں 6 فروری کو مذکورہ اضلاع میں ڈی ڈی سی کونسلروں کا ایک اجلاس منعقد کیا جائے گا اور اس کے بعد ان اضلاع میں چیئرپرسن کا انتخاب عمل میں لایا جائے گا۔اس سلسلے میں ان پانچ اضلاع کے ضلع ترقیاتی کمشنروں کی جانب سے ایک نوٹیفیکیشن جاری کردی گئی ہے تاکہ 6 فروری کو ڈی ڈی سی کے چیئرپرسن اور وائس چیئرپرسن کے لئے انتخابات عمل میں لائے جاسکے۔خیال رہے دیگر اضلاع میں اس طرح کے انتخابات 10 اور 20 فروری تک منعقد کرانے کی تیاری کی جارہی ہے۔چیف الیکشن کمشنر جموں و کشمیر کے کے شرما نے کہا "شوپیاں، کولگام، کٹھوعہ اور جموں سمیت چار اضلاع کے لئے نوٹیفیکیشن جاری کی گئی اور ان انتخاب کا عمل 20 دن میں مکمل کرنا ہے۔