08گھنٹے کے طویل تلاشی آپریشن کے بعد وانی گام کریری میں مسلح جھڑپ

سرینگر/24دسمبر: شمالی کشمیر کے کریری وانی کام پائی علاقے میں08گھنٹے کے طویل تلاشی آپریشن کے بعد فوج و فورسز اور جنگجوئوں کے مابین مسلح تصادم آرائی میں ایک غیر عدم شناخت جنگجو جاںبحق ہو گیا ہے ۔ پولیس نے جھڑپ میں ایک جنگجو کی ہلاکت کی تصدیق کرتے ہوئے بتایا کہ علاقے میں تلاشی آپریشن جاری ہے ۔سی این آئی کے مطابق وانی گام کریری علاقے میں جنگجوئوں کی موجودگی کی اطلاع ملنے کے بعد پولیس، فوج اور سی آر پی ایف نے علاقے کا محاصرہ کیااور لیکر گھر گھر تلاشی آپریشن شروع کیا۔ذرائع سے معلوم ہوا ہے کہ علاقے میں تلاشی آپریشن کے دوران اس وقت گولیوںکی گرن گرج سنائی دی جب علاقے میںچھپے بیٹھے جنگجوئوں نے فرار ہونے کی کوشش میں گولیاں چلائی جس کے ساتھ ہی علاقے میں جھڑپ شروع ہوئی ۔ ذڑائع کے مطابق علاقے میں جھڑپ کی شروعات کے ساتھ ہی تمام راستوں کو سیل کر دیا گیا اور فوج و فورسز کی اضافی کمک طلب کی گئی اور جنگجوئوںکے خلاف فیصلہ کن آپریشن شروع کر دیا گیا ۔ ذرائع سے معلوم ہوا ہے کہ ابتدائی گولیوں کے تبادلے کے بعد علاقے میں خاموشی چھا گئی جس کے بعد فورسز نے علاقے میں دوبارہ سے تلاشی آپریشن عمل میں لایا اور قریب آٹھ گھنٹوں کے طویل تلاشی آپریشن کے بعد علاقے میں دو بدو جھڑپ پھر سے شروع ہوئی اور فائرنگ کے تبادلے میں ایک جنگجو جاں بحق ہو گیا ۔ ذڑائع سے معلو م ہوا ہے کہ جھڑپ میں غیر مقامی جنگجو جاں بحق ہو گیا ہے جبکہ طرفین کے مابین گولیاں کا تبادلہ جاری ہے ۔ پولیس کے ایک سنیئر آفیسر نے جھڑپ میں ایک جنگجو کی ہلاکت کی تصدیق کرتے ہوئے بتایا کہ علاقے میں طویل تلاشی آپریشن کے دوران جنگجوئوں اور سیکورٹی فورسز کا آمنا سامنا ہوا جس دوران ابھی تک ایک جنگجو جاں بحق ہو گیا ہے ۔ انہوںنے کہا کہ علاقے میں آپریشن جاری ہے اور تمام صورتحال آپریشن ختم ہونے کے بعد ہی واضح ہو جائے گی ۔