سخت ترین سیکورٹی انتظامات اور شدید ٹھنڈ کے بیچ ڈی ڈی سی و بلدیاتی انتخا بات کا تیسرا ا مرحلہ اختتام

انتخابات کے تیسرے مرحلے میں جموں کشمیر میں مجموعی طور پر قریب 50فیصد ی پولنگ ریکارڈ کی گئی

سرینگر/04دسمبر: سخت ترین سیکورٹی انتظامات کے بیچ جموںکشمیر میں ضلع ترقیاتی کونسل اور بلدیاتی انتخابات کے تیسرے مرحلے کے تحت جمعہ کو ووٹ ڈالیں گئے ۔ جمعہ کی صبح سے ہی کہیںپولنگ مراکز پر لوگوں کی کافی بھیڑ دیکھنے کو ملی جنہوںنے اپنے ووٹ کا استعمال کیا ۔اور مجموعی طور پر دوسرے مرحلے کیلئے قریب 50فیصد سے زائد ووٹ پڑے ۔ ادھر حکام نے جمعہ کو بتایا کہ ضلع ترقیاتی کونسل انتخابات کے تیسرے مرحلے میں جموں کشمیرکے اندر دن کے ایک بجے تک 43.03فیصدی ووٹنگ درج کی گئی۔انتخابات کے تیسرے مرحلے کے تحت یو ٹی میں کل 280 حلقہ ہائے اِنتخاب ہیں (ہر ضلع میں 14) 33 حلقوں میں ووٹنگ ہوئی جن میں سے کشمیر ڈویژن کے 16 اور جموں کے 17 حلقہ انتخابات شامل ہے ۔ ادھر حکام کے مطابق تیسرے مرحلے میں ووٹنگ پُر امن طریقہ سے اختتام پذیر ہوئی اورساگام کوکرناگ کو چھوڑ کر کہیں سے بھی کوئی ناخوشگوار واقعہ پیش نہیں آیا ۔ سی این آئی کے مطابق سخت ترین سیکورٹی انتظامات اور شدید ٹھنڈ کے چلتے ڈی ڈی سی انتخابات کیلئے جموں کشمیر میں جمعہ کو دوسرے مرحلے کے تحت ووٹ ڈالیں گے ۔قابل ذکر ہے کہ ڈی ڈی سی اِنتخابات مرحلہ سوم کے لئے305 اُمید وار میدان میں تھے جن میں کشمیر ڈویژن سے 166 اور جموں ڈویژن سے 139اُمیدوارشامل ہیں۔305 امیدواروں میں سے 252 مرد اور 53 خواتین امیدوار تھے ۔سرپنچ ضمنی اِنتخابات میں 126 حلقہ ہائے اِنتخاب میں سے 66 حلقہ انتخابات میں پولنگ ہوئی جمعہ کی صبح سے ہی پولنگ بوتھوںپر لوگوں کی بھیڑ دیکھنے کو ملی ، جمعہ کی صبح سے ہی ڈی ڈی سی انتخابات کے حوالے سے پولنگ مراکز پر رائے دہند گان کی لمبی لمبی قطاریں دیکھنے کو ملیں ،جو شدید ٹھنڈ کے باوجود پولنگ مراکز پر رائے دہی کا استعمال کرنے کے لئے اپنی باری کا انتظار کرتے ہوئے دیکھے گئے ۔اننت ناگ ،پلوامہ ،شوپیان ،کولگام ،کپوارہ ،بارہمولہ ،بانڈی پورہ ،گاندر بل ،بڈگام ،کٹھوعہ ،ریاسی ،رام بن ،کٹھوعہ ،سانبا ، جموں ،راجوری اور پونچھ اضلاع میں رائے دہی کے دوران کافی گہماگہمی دیکھنے کو ملی ۔انتخابی عمل کے احسن انعقاد کے لئے سیکورٹی کڑے انتظامات کئے گئے جبکہ حساس علاقوں میں ڈرونز کے ذریعے بھی نگرانی کی گئی ۔اس کے علاوہ کووڈ ۔19کے پیش نظر رائے دہندگان کی پولنگ مراکز پر تھرمل جانچ بھی کی گئی جبکہ پولنگ عملے نے بھی وبا سے محفوظ رہنے کے لئے خاص فیس ماسک ،شیلڈ اور دیگر چیزوں کا استعمال کیا ۔ ادھر حکام کے مطابق جموں و کشمیر میں ضلع ترقیاتی کونسل انتخابات کے تیسرے مرحلے میں جمعہ کو دن کے ایک بجے تک43.03فیصد ووٹنگ ریکارڈ کی گئی۔سرکاری اعداد و شمار کے مطابق وادی کشمیر کے ضلع کپوارہ میں صبح1بجے تک29.87فیصد،بانڈی پورہ میں51.96فیصد، بارہمولہ میں28فیصد،گاندربل میں19.15فیصد،بڈگام میں45.25فیصد،پلوامہ میں9.31فیصد،شوپیان میں18.15فیصد،کولگام میں58.76فیصد اور اننت ناگ ضلع میں13.11فیصد ووٹنگ درج ہوئی۔اسی طرح صوبہ جموں کے کشتواڑ ضلع میں 1بجے تک57.26فیصد،ڈوڈہ میں50.49فیصد،رام بن میں58.10فیصد،ریاسی میں62.37فیصد،کٹھوعہ میں53.60فیصد،سانبہ میں60.21فیصد،جموں میں57.96فیصد،راجوری میں64.48فیصد اور ضلع پونچھ میں83.07فیصد ووٹنگ ریکارڈ ہوئی۔سرکاری ذرائع نے مزید کہا کہ وادی کشمیر میں پہلے چھ گھنٹوں کے دوران مجموعی طور پر25فیصد جبکہ صوبہ جموں میں صبح گیارہ بجے تک60.52فیصد ووٹنگ ریکارڈ ہوئی۔ ادھر حکام کے مطابق تیسرے مرحلے میں ووٹنگ پُر امن طریقہ سے اختتام پذیر ہوئی اورساگام کوکر ناگ میں ڈی ڈی سی امیدوار پر فائرنگ واقعے کو چھوڑ کر کہیں سے بھی کوئی ناخوشگوار واقعہ پیش نہیں آیا ۔ اسی دوران جموں کشمیر میں ضلع ترقیاتی کونسل چنائو کیلئے تیسرے مرحلے کی ووٹنگ کے چلتے ایک مرتبہ پھر جنوبی ضلع پلوامہ اور شوپیان میں موبائیل انٹر نیٹ خدمات بند رہی جبکہ ضلع گاندربل میں رفتار کم دی گئی ۔ جس کے نتیجے میں صارفین میں غم و غصہ کی لہر پا ئی گئی ۔