لائن آف کنٹرول پر جنگ بندی معاہدے کی خلاف ورزیاں جاری ، پونچھ سیکٹر میں پھر شلنگ ; کپوارہ کے کیرن سیکٹر میں کنٹرول لائن پرایک (کاڈکاپٹر)چھوٹا ڈرون مار گرایا گیا / فوج کا دعویٰ

سرینگر/24 اکتوبر: لائن آف کنٹرول پر ہند پاک افواج کے مابین جنگ بندی معاہدے کی دھجیاں اڑانے کا سلسلہ جاری ہے ۔ جمعہ اور سنیچروار کی درمیانی رات کو ایک مرتبہ پھر ضلع پونچھ کے منکوٹ سیکٹر پاکستان اور بھارتی فوج کے مابین شدید گولہ باری ہوئی تاہم کسی جانی نقصان کی کوئی اطلاع نہیں ہے ۔ ادھرفوج نے دعویٰ کیا کہ شمالی ضلع کپوارہ کے کیرن سیکٹر میں کنٹرول لائن پرایک (کاڈکاپٹر)چھوٹا ڈرون مار گرایا گیا۔ سی این آئی کے مطابق سرحدوں پر ہند پاک افواج کے مابین تنائو جاری ہے اور جنگ بندی معاہدے کی خلاف ورزیاں بھی مسلسل جاری ہے ۔ جمعہ کی شام دیر گئے ایک مرتبہ پھرجموںکے پونچھ ضلع کے منکوٹ سیکٹر میں ہندوپاک افواج کے مابین گولہ باری ہوئی ۔ دفاعی ذرائع نے بتایا کہ منکوٹ سیکٹر میں ایل او سی پر پاکستانی فوج نے بلا کسی اشتعال کے بھارتی چوکیوں کو نشانہ بنا کر شدید گولہ باری کی ۔ دفاعی ترجمان نے کہا کہ راجوری کے منکوٹ سیکٹر میں ایل او سی پر جمعے کی صبح پاکستانی فوج نے جنگ بندی معاہدے کی خلاف ورزی کرتے ہوئے بھارتی چوکیوں پر شدید گولہ باری شروع کر دی۔انہوں نے کہا کہ وہاں تعینات بھارتی فوجی جوانوں نے حملے کا بھر پور جواب دیا تاہم فی الوقت کسی بھی جانب کسی جانی یا بھاری مالی نقصان کی کوئی اطلاع نہیں ہے۔ اس دوران دفاعی ذرائع نے بتایا کہ پاکستانی فوج نے آج ایک مرتبہ پھر جنگ بندی معاہدے کی خلاف ورزی کرتے ہوئے سیولین آبادی اور فوجی چوکیوں کو نشانہ بناتے ہوئے شدید گولہ باری کی جس کے بعد فوج نے بھی پاکستانی فوج کی فائرنگ کا بھر پور جواب دیا ۔ بتایا جاتا ہے کہ ضلع کے مختلف سرحدی علاقوںسے لوگوںنے نکل مکانی شروع کی ہے کیوں کہ ضلع میں آر پار گولہ باری رکھنے کا نام نہیں لے رہی ہے ۔ ۔یاد رہے کہ ہندوستان اور پاکستان کے مابین جاری سیاسی کشیدگی کے بیچ سرحدوں پر بھی مسلسل کشیدگی بنی ہوئی ہے اور دونوں جانب فوج ایک دوسرے کے ٹھکانوں پر نشانہ سادھتے ہوئے گولہ باری کررہے ہیں جس کی وجہ سے سرحدی علاقوں میں خوف ودہشت کا ماحول پھیل گیا ہے اور کئی جگہوں سے اطلاع ہے کہ لوگ اپنے آشیانوں کو چھوڑ کر محفوظ مقاما ت کی طرف بھاگ رہے ہیں اور کئی علاقوں کے لوگوںنے نزدیکی بنے زمین دوز بنکروں میں پناہ لینے شروع کی ہے ۔ادھرفوج نے دعویٰ کیا کہ اْنہوں نے شمالی ضلع کپوارہ کے کیرن سیکٹر میں کنٹرول لائن پرایک (کاڈکاپٹر)چھوٹا ڈرون مار گرایا۔دفاعی ذرائع کے مطابق کاڈکاپٹر کو کیرن سیکٹر میں کنٹرول لائن کی اگلی چوکی پرمار گرایا گیا۔دریں اثناء فوج نے بھی اس واقعہ کی تصدیق کرتے ہوئے ٹویٹ کیا کہ کاڈکاپٹر (ڈی جے آئی میوک2) کو آج صبح گرایا گیا۔