ڈلگیٹ سرینگر میں بزر گ خاتون اور اس کے جاں سالہ بیٹے کی کورنا سے موت

سرینگر/06اکتوبر: جموں کشمیر میں کورنا وائرس سے اموات میں ہر گزرتے دن کے ساتھ اضافہ کے بیچ منگل کی صبح سرینگر کے ڈلگیٹ علاقے میں اس وقت کہرام مچ گیا جب بزرگ خاتون اور اس کا جواں سال بیٹا کورنا وائرس کی وجہ سے جاں بحق ہوگئے۔ادھر ماں بیٹے کی ہلاکت کے بعد ماہرین نے الرٹ جاری کرتے ہوئے لوگوں سے اپیل کی ہے کہ وہ ایس او پیز پر مکمل طور پر عملدرآمد کریں ۔ سی این آئی کے مطابق ڈلیگیٹ سرینگر سے تعلق رکھنے والی 70سالہ خاتون اور اس کا 33سالہ بیٹا کورنا وائرس میں مبتلا ہونے کے بعد سرینگر کے سکمز صورہ میں زندگی کی جنگ ہار گئے ۔ معلوم ہوا ہے کہ نمونیا میں مبتلاء بزرگ خاتون وہاں2 اکتوبر سے زیر علاج تھی اور وہ گذشتہ روز بعد دوپہر جاں بحق ہوگئی جبکہ اْس کا بیٹا سکمز صورہ میں3اکتوبر سے زیر علاج تھا اور وہ آج صبح انتقال کرگیا۔ ادھر جونہی ماں بیٹے کی کورنا وائرس سے موت کی خبر پھیل گئی تو ماہرین نے الرٹ جاری کرتے ہوئے عوام سے اپیل کی ہے کہ وہ اس وبائی بیماری کے روکتھام کیلئے واضح کردہ رہنما ئے خطوط پر من و عن عمل کریں بصورت دیگر اس کے بھیانک نتائج سامنے آ سکتے ہیں ۔ ادھر ڈاکٹر س ایسو سی ایشن کشمیر نے عوام سے اپیل کی ہے کہ وہ ماہرین کی طرف سے جاری کورونا مخالف راہنما اصولوں پر سختی کے ساتھ عمل کریں۔ایسو سی ایشن کے صدر ڈاکٹر نثار الحسن نے اس بات کو لیکر ناراضگی کا اظہار کیا کہ لوگ کورونا وائرس کو سنجیدگی سے نہیں لے رہے ہیں۔انہوں نے کہا کہ یہ وائرس کبھی بھی کہیں بھی اور کسی کی بھی جان لے سکتا ہے۔انہوں نے لوگوں پر زور دیا کہ وہ ماسک پہنیں،سماجی دوری اختیار کریں اور صفائی کا خاص خیال رکھیں۔ خیال کے کہ جموں کشمیر میں اس مہلک وبائی بیماری سے اموات کی تعداد میں ہر روز اضافہ دیکھنے کو ملا ہے ۔