وادی میں ایک بار پھر زلزلہ ،کوئی جانی یا مالی نقصان نہیں

سرینگر/16جون: وادی میں آج ایک بار پھر زلزلہ کے زور دار جھٹکے محسوس کئے گئے جس کے نتیجے میں لوگ خوف زدہ ہوئے جبکہ گزشتہ روز دن میں دو دفعہ زلزلہ محسوس کیا گیا تھا ۔ کرنٹ نیوز آف انڈیا کے مطابق وادی کشمیر میں منگل کے روز پھر ایک بار زلزلہ کے جھٹکے محسوس کئے گئے ۔ صبح قریب 7بجے وادی بھر میں زلزلہ محسوس کیا گیاگزشتہ 24گھنٹوں میں تین مرتبہ زلزلہ محسوس کیا گیا گزشتہ روز ایک صبح 4.31بجے جبکہ دوسری مرتبہ دن کے گیارہ بجے زلزلہ محسوس کیا گیا ۔وادی میں مسلسل زلزلہ جھٹکے ہونے کے نتیجے لوگوں میں خوف و ہراس پیدا ہوا۔ بتایا جاتا ہے کہ زلزلہ 5.8ریکٹر پیمانے پر تھا ۔زلزلہ کی وجہ سے کہیں پر کسی جانی یا مالی نقصان کی کوئی اطلاع نہیں ہے ۔